जाँचै नदिएको विषयमा रिजल्ट

सानै कक्षादेखि मेधावी छात्रका रूपमा रहेका सन्देशको अन्य विषयमा समेत सोचेजस्तो नतिजा आएन । एसईईमा उत्कृष्ट अंक ल्याई विज्ञान विषय पढेर डाक्टर बन्ने उनको सपना अहिले यही परीक्षाफलका कारण अन्योलमा परेको उनको गुनासो छ ।

‘हाम्रो स्कुलमा अर्थशास्त्र विषय पढाइ नै हुँदैन,’ उनले भने, ‘परीक्षा नै नदिएको विषयको नतिजा आयो ।’ एसईईमा ‘ए प्लस’ को अपेक्षा गरेको सन्देशको नतिजा ‘सी प्लस’ आएको मनकामना स्कुलका प्रिन्सिपल श्रीराम आचार्यले बताए । मनकामना स्कुलकै सृष्टि शाक्यको नतिजा पनि उस्तै भएको छ । ऐच्छिक गणित विषयमा परीक्षा दिएकी सृष्टिको परीक्षाफल अर्थशास्त्र विषयको आएको छ ।

‘अप्रत्याशित परीक्षाफल सार्वजनिक भएको छ, परिवारमा सबैलाई तनाव छ,’ उनले गुनासो गरिन्, ‘एसईईको नतिजाले भविष्यबारे सोच्नै सकेकी छैन ।’ राजधानीको राम्रो कलेजमा पढेर इन्जिनियर बन्ने सपना एसईईको नतिजाले अन्योलतिर धकेलिएको उनी बताउँछिन् । परीक्षा नियन्त्रक अम्बिकाप्रसाद रेग्मीले गल्ती भएको स्वीकार्दै तत्काल सच्याएर विद्यार्थीको नतिजा दिने बताएका छन् ।