खितिती.... खितिती....
गाउँले ग्राहक : साहुजी ! यहाँ खाने कुरा कसरी छ ?
साहुजी : तातो खाए पाँच रुपैयाँ, चिसो खाए दस रुपैयाँ ।
ग्राहक : त्यसो भए तातै खाऊँ ।
साहुजी : ए केटा ! उहाँलाई एक कप चिया दे ।
(ग्राहक चिया छिटो छिटो खान थाल्छ ।)
साहुजी : हैन, त्यस्तो तातो चिया किन त्यति छिटो खाएको ? बिस्तारै खाए भइहाल्छ नि !
ग्राहक : अँ, साहुजी बाठा छौ, सेलाएर खाएपछि दस रुपैयाँ लिने सुर कस्छौ ?
०००
(एउटा जँडयाहाले राति इनारभित्र चियाउँदा त्यहाँ जूनको छाया देखेछ ।)
ल, इनारभित्र कसले जून हाल्यो भनेर उसले जून झिक्न नजिकै रहेको काँटा इनारभित्र खसालेछ । काँटा इनारभित्रको कुनै इँट्टामा गएर अड्किएछ । जोडले तान्दा डोरी चुँडिएछ । जँड्याहा पछारिएछ ।
यसरी पछारिँदा उसले आकाशमा जून देखेछ । ‘आफू पछारिए पनि मैले इनारको जून झिकिछाडेँ’ भन्दै ऊ घरतिर लागेछ ।