आफ्नै संस्कृतिमा रमाऔँ
काठमाडौँ — हिमालको काखमा नेपाल देश छ विशाल,
पर्वत पाखामा नदीनाला बग्छन् कलकल ।
छङछङ बग्ने झरनाको मीठो मीठो जल,
जहाँ गए पनि नेपालकै सम्झना झलझल ।
छाँगा, छहरा छरछर, छर्दै हरियाली पाखामा,
लोकभाका गुन्जिन्छन् भञ्ज्याङ गाउँपाखामा ।
गुन्यू, चोली लाउनुपर्छ, अरू फेसन छाडौँ,
दौरा, सुरुवाल, कोट लगाऔँ मानवता बाडौँ ।
ताल, कुण्ड हाम्रा निधि संरक्षण गरौँ,
मन्दिर, चैत्य, गुम्बालाई जगेर्ना गरौँ ।
नेपाली राष्ट्रियतालाई सुदृढ गर्दै जाऔँ,
मौलिक भाषा नेपाली संस्कृतिमा रमाऔँ ।
नेपाली गीत गाउँदै नाचौँ छमछमी रमाई,
विदेशी गीत मात्र गाउने होइन नाच नचाई ।
हामी नेपाली नेपाल राम्रो बनाऔँ है सजाई,
परिवर्तनको सुरु आफंै गरौँ यै हाम्रो कमाइ ।
-काशीराम लामिछाने, कक्षा– १०
सहिद स्मृति अंग्रेजी माध्यमिक विद्यालय, अर्घाखाँची
प्रकाशित : पुस ३०, २०७४ ०८:१४प्रतिक्रिया