काठमाडौँ — यो खेलमा एकपटकमा ४ देखि ६ समूह सहभागी हुन सक्छन् । प्रत्येक समूहमा २ खेलाडी हुनुपर्छ । यो खेलका लागि ५० मिटर लामो मैदान र एउटा ड्रमसेट (बाजा) आवश्यक हुन्छ ।
खेल्ने तरिका
यो खेलका लागि सबैभन्दा पहिले सहभागी टिमका दुवै खेलाडीलाई हातखुट्टा सोझो पारेर (चित्रमा देखाएजस्तै) सुताउनुपर्छ । यसरी सुतेका खेलाडीले बाजाको तालसँग ताल मिलाउँदै अगाडितर्फ घस्रिँदै निर्धारित दूरी पूरा गर्नुपर्छ । यसरी घस्रिएर अगाडि बढ्ने क्रममा खेलाडीले आफ्नो टाउकोलाई दायाँबायाँ घुमाउनु हुँदैन । त्यसो गरिएमा त्यस्तो खेलाडीको टिम नै अयोग्य मानिन्छ । यो कुरालाई खेल शिक्षकले विशेष दक्षताका साथ निगरानी गर्नुपर्छ । यसरी घस्रेर जुन टिमले सबैभन्दा कम समयमा सबैभन्दा पहिले निर्धारित दूरी पूरा गर्न सक्छ, त्यही समूह विजेता घोषित हुन्छ ।
प्रकाशित : फाल्गुन २७, २०७४ १०:१४