काठमाडौँ — जाडोयाम सकिनासाथ
स्वाट्टै चिसो भाग्यो,
मौसममा सुधार भई
चर्काे घाम लाग्यो ।
मौसमले चिसोचिसो
खाने कुरा माग्यो,
हिँड्दाखेरि छाता चाहिने
चर्काे घाम लाग्यो ।
कडा घामसँगै अब
तापक्रमले सीमा नाघ्यो,
खलखल पसिना आउने गरी
चर्काे घाम लाग्यो ।
धेरै गर्मी भएपछि
मनमा साह्रै तिर्खा जाग्यो,
अत्यास लाग्ने गरी अब
चर्काे घाम लाग्यो ।।
-मिलन केसी, कक्षा–६
बालज्योति कम्युनिटी एकेडेमी,
स्याङ्जा
प्रतिक्रिया
