पंखा
काठमाडौँ — बटन थिचे फनफनी
घुम्न थालिहाल्छ,
गर्मी हुँदा कोठाभरि
चिसो हावा फाल्छ ।
सिलिङ अनि टेबल पंखा
नाम यसका थरीथरी,
कति शीतल दिन्छ यसले
हामीलाई गर्मीभरि ।
पंखा हुँदा गर्मी भाग्ने
लामखुट्टे नि परपर,
गर्मीबाट बँच्न मानिस
पर्ने गर्छन् यसकै भर ।
भित्ता समाई झुन्डिएर
नाच्ने अनौठोको साधन,
फनफन नाच्ने पंखामुनि
रमाउँछ सबैको मन ।
-आरती ज्ञवाली, कक्षा–७
अमरसिंह मावि, रामघाट, पोखरा
प्रतिक्रिया