बुबाप्रति सम्मान

कान्तिपुर संवाददाता

काठमाडौँ — नेपाललाई ४ जात २६ वर्णको साझा फूलबारी मानिन्छ । यसले हाम्रो जातजातिका साथै भाषा–संस्कृति र धार्मिक विविधतालाई झल्काउँछ । अनेकतामा एकता भएको हाम्रो देशमा वर्षभरि धेरै चाड पर्व मनाइन्छ ।

तीमध्ये भाद्र कृष्ण पक्ष औंसीका दिन पर्ने कुशेऔंसी पनि एक प्रमुख मानिन्छ ।

यस दिनलाई बुवाको मुख हेर्ने दिनको रूपमा पनि मनाउने प्रचलन छ । बुबा सन्तानका लागि गुरु हुन् । एक रक्षक र कुशल अभिभावक हुन् । त्यसैले बुबाको मुख हेर्न दिनको महत्त्व बुबाप्रतिको भक्तिभाव वा श्रद्धाका लागि अत्यन्त महत्त्वपूर्ण छ । यस दिन बुबालाई मीठो मीठो खाना र उपहार दिने र उहाँबाट आशीर्वाद ग्रहण गर्ने गरिन्छ । बालबालिकाले मात्र होइन, ठूला मानिसले पनि आफ्नो बुबाका लागि विशेष दिनको रूपमा यसलाई लिन्छन् । बुबा नहुनेले यो दिन बुबाको नाममा सम्मान स्वरूप पिण्ड चढाउने र तर्पन दिने वा श्रद्धाभाव व्यक्त गर्ने गर्छन् ।

यही दिन हिन्दुका घरमा कुश भित्र्याउने गरिन्छ । कुश एउटा पवित्र घाँस हो । भाद्र औंसीको दिन घरमा कुश ल्याउने र त्यो कुश धार्मिक कार्य वा पितृकार्यमा शुद्धीकरणका लागि तामाको लोटीमा राखेर वा आंैठी बनाएर प्रयोग गर्ने चलन छ । कुशको प्रयोग हिन्दुधर्मावलम्बीले १६ संस्कारमा नै अनिवार्य रूपमा गर्ने गर्छन् ।

संस्कृति फँुयाल, कक्षा–१०
अक्षरा स्कुल, काँडाघारी, काठमाडौं

Yamaha

प्रकाशित : भाद्र २४, २०७५ ०८:५२
ADVERTISEMENT
प्रतिक्रिया
पठाउनुहोस्
ADVERTISEMENT

सानैमा ठूलो पर्दा

राजाराम पौडेल

काठमाडौँ — आयुब सेन ७ वर्षका भए । उनी राजधानीको एक स्कुलमा कक्षा ३ मा पढ्छन् । सात वर्षको उमेरमै ‘मेरी मामु’ चलचित्रमा प्रमुख भूमिका निभाएकाले यति बेला उनको चर्चा बढिरहेको छ । चलचित्रमा अभिनय गर्ने रुचिसँगै चलचित्र निर्माता बुबा सन्तोष सेनको सहयोगका कारण सानो उमेरमै उनले ठूलो पर्दामा देखिने अवसर पाएका हुन् ।

सानो उमेरमै चलचित्रमा अभिनय गर्न त्यति सहज थिएन । तर उनको लगाव र मिहिनेतले यसलाई सहज बनाइदियो ।

आयुबले चलचित्रमा अभिनय गर्नु अगाडि मण्डला थिएटरमा ६ महिना अभिनयको कक्षा लिएका थिए । त्यहाँ सिकेका कुराले उनमा केही परिपक्वता आयो । आत्मविश्वास बढायो । बुबा सन्तोष सेन चलचित्र निर्माता भएकाले पनि उनलाई केही सहज भयो । चलचित्रमा उनी गम्भीर भूमिकामा छन् । उनी ४–५ वटा मात्र डाइलग बोल्छन् । त्यो पनि कुकुरसँग । किनकि चलचित्रमा उनी कुकुरसँग अलि क्लोज छन् । घरमा कुनै समस्या परिसकेपछि बालमनोविज्ञानमा परेको प्रभावलाई उनले अभिनयमार्फत देखाएका छन् । चलचित्रमा एक्लै बस्ने, भाडा फाल्ने र किताब च्यात्ने स्वभाव उनले देखाएका छन् । ‘छायांकनका सुरुवाताका दिन केही असजिलो महसुस भयो,’ उनले भने, ‘तर पछि सहज बन्दै गयो ।’ उलने भविष्यमा आफू सफल हिरो बन्ने बताए ।

चलचित्रको फस्ट लुक र ट्रेलर सार्वजनिक भएपछि स्कुलमा धेरैले यसबारे सोध्न थालेको उनले बताए । ‘मेरा स्कुलका साथी र शिक्षकले पनि ट्रेलर मन पर्‍यो, चलचित्र पनि हेर्छौं भन्नुभएको छ,’ उनले सुनाए ।

आयुबको पुरानो गाउँ स्याङ्जा जिल्लाको पुतलीबजार नगरपालिका ८ बहाकोट हो । उनको अहिले बुद्धचोक पोखरामा घर छ । हाल उनी परिवारका साथ काठमाडांैमा बस्छन्् ।
यम थापाको लेखन/निर्देशन रहेको यो चलचित्रमा अश्लेषा ठकुरी, सारुक ताम्राकार, कुसुम गुरुङ, दुर्गा मल्ल लगायतले अभिनय गरेका छन् । बाबुआमाको घरझगडाले बालमस्तिष्कमा कस्तो असर पर्न सक्छ भन्ने विषयवस्तु चलचित्रमार्फत देखाइएको छ । चलचित्र भाद्र १५ गते शुक्रबारदेखि प्रदर्शनमा आएको छ ।

प्रकाशित : भाद्र २४, २०७५ ०८:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT