छन्द प्रतियोगिता

प्रतियोगितामा रत्नराज्य माविकी ऋचा कँडेल प्रथम, मोक्षदा स्कुलकी तारा लामा द्वितीय र भक्तपुर निस्ट स्कुलकी अदिति तिमल्सिना तृतीय भए । रातो बंगला स्कुलका अंकुर गुरागाईंले सान्त्वना पाए । विजयीलाई पुरस्कार, पदक र प्रमाणपत्र दिइएको थियो । कार्यक्रममा प्रमुख अतिथि प्राध्यापक घनश्याम कँडेलले छन्द संरक्षणका लागि यस्तो प्रतियोगिता महत्त्वपूर्ण भएको बताए । भाषाविद् एवं साहित्यकार ‘गाउँले’ बलदेव अधिकारीले भाषिक परिवर्तनका नाममा नयाँ पुस्ताले पुराना स्रष्टाका सिर्जना उपेक्षा गर्न नहुने बताए । आयोजक स्कुल काञ्जीरोवा नेसनल माविका कार्यकारी निर्देशक महेन्द्र खनालले डेढ दशकदेखि विद्यालयले यस्तो प्रतियोगिता गर्दै आइरहेको जानकारी दिए । उक्त अवसरमा निर्णायकले पनि छन्द कविता वाचन गरेका थिए । निर्णायकहरूमा बलदेव अधिकारी, रमेश शुभेच्छु र प्रभा भट्टराई थिए ।