पौडीको मस्ती

आश्विन ७, २०७५मनोज पौडेल

काठमाडौँ — विस्तारै चिसो मौसम आउने बेला नजिकिँदै छ । तर गर्मी घटेको छैन । असोज पहिलो साता पनि दिनभरको टन्टलापुर घामले जनजीवन प्रभावित छ ।

बाटोमा हिँड्दा उखरमाउलो गर्मीको रापले सर्वसाधारण घरभित्रै खुम्चिन बाध्य छन् । आइतबारदेखि अत्यधिक गर्मी बढेको छ । बुधबार कपिलवस्तुको तापक्रम अधिकम ३६ डिग्री सेल्सियस पुग्यो । न्यूनतम २५ डिग्री थियो ।

प्रचण्ड गर्मीले आत्तिएका बेला बालबालिका भने नदी र तालतलैयामा पौडी खेलेर मस्ती गर्न व्यस्त रहे । अधिकांश बालबालिका दिनभर जगदीशपुर ताल आसपास पौडी खेल्न पुगे । तालको हेड रेगुलेटर नजिक पौडी खेलेर उनीहरू रमाइरहेका थिए । विभिन्न तरिकाले १० देखि २० मिटर माथिबाट हाम फालेर उनीहरू रोमाञ्चित भए ।