दसैंमा सांस्कृतिक कार्यक्रम
काठमाडौँ — दसैंका अवसरमा विभिन्न विद्यालयमा विशेष सांस्कृतिक कार्यक्रमहरू आयोजना भएका छन् । राजधानीस्थित भद्रकाली निम्नमाध्यमिक विद्यालयका विद्यार्थीले पनि यही मौकामा सांगीतिक तथा सांस्कृतिक प्रस्तुतिहरू दिए ।
बालबालिकाले आ–आफ्ना प्रतिभा प्रदर्शन गर्दै दसैंको शुभकामना आदानप्रदान पनि गरे । सोही अवसरमा विद्यालयको लाइब्रेरी तथा कक्षा छ, सात र आठका विद्यार्थीलाई सन्दर्भ पाठ्यपुस्तकहरू पनि उपलब्ध गराइएको थियो । बूढानीलकण्ठ नगरपालिका वडा १ का अध्यक्ष सुरेन्द्र लामाको पहलमा उपलब्ध गराइएका ती सामग्री वडा प्रतिनिधिले हस्तान्तरण गरेका थिए ।
प्रतिक्रिया
