तिहार
काठमाडौँ — दसैं आयो दसैं गयो अब तिहार आयो,गाउँ सहर जताततै खुसियाली छायो ।
समाजमा रमाउने काग हाम्रो साथी, पहिलो दिन यसकै पूजा हुन्छ भलिभाँती ।
मानिसको सेवा गर्ने कुकुर कत्ति गुनी,
दोस्रो दिन यसकै पूजा गर्छौं जुनी जुनी ।
गाई हाम्री माताजस्तै उनको धेरै गुन छ
तेस्रो दिन लक्ष्मी समान उनकै पूजा हुन्छ ।
धर्ती जोती मान्छे पाल्छ कठै ! गोरु हुँदै,
चौथो दिन यसकै पूजा गर्छौं रमाउँदै ।
पाँचौ दिन भाइपूजा गर्छौं हामी सब,
सभ्यताको रूप हो यो जानिराखौं अब ।
रंगीचंगी, झिलीमिली, देउसी–भैलो ल्याउँछ,
यो साल गए तिहार फेरि अर्को साल आउँछ ।
इन्द्रकुमार श्रेष्ठ
प्रतिक्रिया