काठमाडौँ — साना साना दिदी भाइ, मीठो कुरा गर्छन्,तोते बोली गीत गाउँदै, अघिअघि सर्छन् ।
म्वाइँ खाँदै माया गर्छन्, मीठो पापा खान्छन्,थरीथरी खेलौंना लि, बगैंचामा जान्छन् ।
लुकामारी खेल्छन् कैले, डर केही हुन्न,
रमाई रमाई बस्छन् सधैं, जाडोले त छुन्न ।
तिहारको पैलो टीका, कति राम्रो होला,
सप्तरङ्गी टीका लाउँदा, मन खुसी होला ।
दिदी भाइको गफ मीठो, सुनूँ सुनूँ लाग्छ,
खुसी हुँदै चरी नाच्दा, चिन्ता सबै भाग्छ ।
साना साना दिदी भाइ, मीठो कुरा गर्छन्,
तोते बोली गीत गाउँदै, अघिअघि सर्छन् ।
डा. मुकुन्द पथिक
प्रतिक्रिया