काठमाडौँ — खुट्टा उचालेर चढ्छ धुरी धुरी
हेर बाबु हेर, हाम्रो घरको सुरी !
ठ्याक्कै बाघका जस्ता लगाएर लुगा
सातो लिन खोज्छ ठड्याएर जुँगा
जिउ मर्काएर गर्छ चुरीफुरी
हेर नानी हेर, हाम्रो घरको सुरी !
मुसा खाने दाउमा भाँडारतिर ढुक्छ
कुकुर देख्नै हुन्न कुना खोज्दै लुक्छ
डरै नमानेर हेर्छ घुरी घुरी
हेर भाइ हेर, हाम्रो घरको सुरी !
बसी बसी खाने लोभी, अल्छी, लाछी
कराई चाट्न खोज्ने यै हो दूधको साक्षी
लाजै पचाएर बस्छ भान्सा कुरी
हेर बैनी हेर, हाम्रो घरको सुरी !
रमेशचन्द्र घिमिरे
प्रतिक्रिया