कुहिरो र घाम
काठमाडौँ — जाडो याममा टम्म हुस्सु
लाग्छ डाँडा वारिपारि,
कुहिरो र घाम मिली
खेल्न थाले लुकामारी ।
मध्यरातमा कति खेर
धर्ती हुन्छ टम्म,
गहिरा खोंच र फाँटभरि
कुहिरो लाग्यो डम्म ।
मध्याह्नमा कुहिरो आफैं
माथिमाथि सर्छ,
अनि बल्ल यो धर्तीले
सूर्यदर्शन गर्छ ।
कुहिरो लाग्दा सबैलाई
चिसो हुन्छ कति ?
छिटो आइदेऊ घाम तिमी
जाडो भयो अति ।
कृतिका खनाल, कक्षा–७
भाग्योदय मावि, स्याङ्जा
प्रतिक्रिया
