काठमाडौँ — मौलिक र प्रमुख चाड सांस्कृतिक हाम्रो,परम्परा तोड्नु हुन्न अनुशरण राम्रो ।
पहाड—तराई, भित्री मधेस मनाउँछन् धुमधाम,
सूर्य लाग्छन् उत्तरतिर खेतबारीमा काम ।
व्रतालु र श्रद्धालुले स्नान गर्छन् धाम,
तीर्थस्थलमा घुइँचो हुन्छ बाटोघाटो जाम ।
नयाँ वर्ष सुरु गर्छन् थारू जाति अब,
पुरानो हिसाब बन्द गरी कारोबार नयाँ सब ।
उत्साह र उमंगले माघी पर्व मान्छन्,
मयूर नाच, झुमडा नाँच्दै परिकार खान्छन् ।
तरुल र सख्खरखण्ड फुरौलामा रम्छन्,
घिउ, चाकु, खिचडीमा नाता—गोता जम्छन् ।
कतै हाल्छन् सेल रोटी कोही च्युउरा कुट्छन्,
आयआर्जन गर्नलाई यहीं युवा जुट्छन् ।
डाला, नाङ्ला, भकारीको लाग्छ हाटबजार,
मादलको ताल—सुरमा नाँच्दै—गाउँदै हजार ।
लालबहादुर भुजेल
प्रतिक्रिया
