चराका कथा

गौँथलीको गुँडमा गौँथलीलाई हेरेर प्रणयको बानी सुध्रिएको जान्न पाइन्छ । चराको गीतमा चरिकोटका चराले सांगीतिक कार्यक्रम गरेर मीठामीठा गीत गाएको प्रसंगहरू छन् । साझा घरमा मानिसले आधुनिक घर बनाउन थालेपछि चराहरूको उठिबास भएको कुरा छ । प्रकृतिको कुचिकारमा चाहिँ फोहोर सिनो खाएर वातावरण स्वच्छ राख्न सघाउने गिद्धको कथा छ ।

चराहरूको घुमघाममा चरिकोटका चराले काठमाडौं उपत्यकाको भ्रमण गरेको वर्णन छ । ती चराले रानीवनको कागसँगै काठमाडौंको पशुपति, स्वयम्भू, हनुमानढोका दरबार, पाटनको चिडियाखाना र कृष्णमन्दिर अनि भक्तपुर घुम्दाको अनुभव त्यसमा छ । वातावरणलाई स्वच्छ, सफा र सुन्दर राख्नुपर्ने र सम्पदाको संरक्षण गर्नुपर्ने शिक्षा यसले दिन खोजेको छ । रत्न प्रजापतीका कथालाई परिचय पब्लिकेसनले बजारमा ल्याएको हो ।