घडी

कान्तिपुर संवाददाता

काठमाडौँ — घन्टी बजाई हामीलाई बिहानमा उठाउँछ,पलपलको समय बताईसधैं काममा जुटाउँछ  ।

यसभित्रका सुईहरू
घुमिरहन्छन् निरन्तर,
जे गर्दा नि म त सधैँ
पर्ने गर्छु यसकै भर ।

भित्तामाथि टक्क बसी
समयको संकेत गर्छ,
घडीजस्तै हामी पनि
गतिशील बन्नुपर्छ ।

समय दिने यो घडीको
अनन्तसम्म चल्छ गति,
समयलाई चिन्न सके
हुन्न हाम्रो जीवन क्षति ।

कला कोइराला, कक्षा–८
बालज्योति कम्युनिटी एकेडेमी, स्याङ्जा

प्रकाशित : वैशाख ८, २०७६ १२:३२
प्रतिक्रिया
पठाउनुहोस्

चराका कथा

कान्तिपुर संवाददाता

काठमाडौँ — चरा र तिनका आनीबानीबारे जान्न मन छ ? वा, चराबाट केही सिक्न चाहन्छौ ? त्यसो हो भने बजारमा आएका कथा संग्रह ‘चराका कथा’ र चित्रकथा ‘चराहरूको घुमघाम’ पढ्न सक्छौ  । चराका कथामा गौँथलीको गुँड, चराको गीत, साझा घर र प्रकृतिको कुचिकार गरी चार कथा छन्  ।

गौँथलीको गुँडमा गौँथलीलाई हेरेर प्रणयको बानी सुध्रिएको जान्न पाइन्छ । चराको गीतमा चरिकोटका चराले सांगीतिक कार्यक्रम गरेर मीठामीठा गीत गाएको प्रसंगहरू छन् । साझा घरमा मानिसले आधुनिक घर बनाउन थालेपछि चराहरूको उठिबास भएको कुरा छ । प्रकृतिको कुचिकारमा चाहिँ फोहोर सिनो खाएर वातावरण स्वच्छ राख्न सघाउने गिद्धको कथा छ ।


चराहरूको घुमघाममा चरिकोटका चराले काठमाडौं उपत्यकाको भ्रमण गरेको वर्णन छ । ती चराले रानीवनको कागसँगै काठमाडौंको पशुपति, स्वयम्भू, हनुमानढोका दरबार, पाटनको चिडियाखाना र कृष्णमन्दिर अनि भक्तपुर घुम्दाको अनुभव त्यसमा छ । वातावरणलाई स्वच्छ, सफा र सुन्दर राख्नुपर्ने र सम्पदाको संरक्षण गर्नुपर्ने शिक्षा यसले दिन खोजेको छ । रत्न प्रजापतीका कथालाई परिचय पब्लिकेसनले बजारमा ल्याएको हो ।

प्रकाशित : वैशाख ८, २०७६ १२:३२
पूरा पढ्नुहोस्
प्रतिक्रिया
पठाउनुहोस्