आश्रममा कविता
काठमाडौंको बूढानीलकण्ठ आश्रम स्कुलले विद्यार्थीबीच प्रतियोगितात्मक कवि गोष्ठी गरेको छ ।
३६ विद्यार्थीले प्रतिस्पर्धा गरेको गोष्ठीमा कक्षा ८ की श्रेणा भण्डारी प्रथम, कक्षा १० का सुनिल धामी द्वितीय र कक्षा ८ का निश्चल न्यौपाने तृतीय भए भने कक्षा ८ कै मनीषा भट्टले सान्त्वना पुरस्कार प्राप्त गरिन् । कार्यक्रममा प्रमुख अतिथि कवि ब्रहृमप्रिय प्रेमस्वरूप, प्राचार्य गुन्जन ब्रहृमचारी, शिक्षकहरू मिठ्ठु रावल, रामराज पुडासैनी, कपिल भण्डारी र पुष्पराज अधिकारीले आआफ्ना सिर्जना प्रस्तुत गरे । उनीहरूले विद्यार्थीलाई कला साहित्य क्षेत्रमा अघि बढन सुझाव दिएका थिए ।
प्रकाशित : असार २२, २०७६ ११:०२