गाईजात्रा
मृत्यु भ’का आफन्तको सम्झनामा पर्व,मनाइन्छ गाईजात्रा मान्नुपर्छ गर्व ।
श्रावण शुक्लपूर्णिमाको
साँझपखबाट,
भक्तपुरमा सुरु हुन्छ
धिन्ताङघिसी नाच ।
नाचसँगै हरेक वर्ष
गाईजात्रा सुरु,
बालक–वृद्ध लठ्ठी बोकी
हिँड्छन् खुरुखुरु ।
भक्तपुरमा चल्छ जात्रा
आठ रात, नौ दिनसम्म,
प्रत्येक साँझ टोलटोलमा
प्रहसन र व्यंग्य ।
मृतकजनका बालबच्चालाई
शृंगारपटार गरी,
बाजासहित लावालस्कर
दरबार स्क्वायरभरि ।
पुत्रशोकमा रानी परिन्
रोइन् धुरुधुरु,
प्रताप मल्ल राजा हुँदा
गाईजात्रा सुरु ।
लालबहादुर भुजेल