दाङ — राखेप च्याम्पियनसिपअन्तर्गत २८ औं पुरुष राष्ट्रिय फुटबल प्रतियोगितामा बुधबार घोराही र तुलसीपुरमा भएका खेलमा त्रिभुवन आर्मी र नेपाल प्रहरी सेमिफाइनलमा प्रवेश गरेका छन् ।
घोराहीको भरतपुर मैदानमा भएको खेलमा पूर्वाञ्चललाई २–० ले पराजित गर्दै त्रिभुवन आर्मी सेमिफाइलनमा प्रवेश गरेको छ । आर्मीका विवेक बस्नेतले १७ औं मिनेट र दीप लामाले ८८ औं मिनेटमा गोल गरेका थिए ।
तुलसीपुरको अरनीको मैदानमा भएको खेलमा पश्चिमाञ्चललाई ४–० ले पराजित गर्दै नेपाल पुलिस सेमिफाइनलमा प्रवेश गरेको छ । पुलिसका निरकुमार राईले २८, सुमन लामाले ३१ र ६४ तथा भोला सिलवालले ४३ औं मिनेटमा गोल गरेका थिए ।
बिहीबार घोराहीमा त्रिभुवन आर्मी र सुदूरपश्चिम तथा तुलसीपुरमा नेपाल प्रहरी र सशस्त्र प्रहरीबीच सेमीफाइनल हुँदैछ । मंगलबारको खेलमा सशस्त्र र सुदूरपश्चिम सेमिफाइनलमा प्रवेश गरेका थिए । प्रतियोगितामा पाँच क्षेत्रीय र तीन विभागीय टीमको सहभागिता छ ।
प्रकाशित : माघ ३, २०७४ १८:१६
