पाठ

के कसैले उसको

बाटोलाई छेक्न सक्यो ?

आफ्नो विजयपथमा

आएका सबैलाई

एकपछि अर्को गरेर

सखाप पार्दै गयो

तरबारको तिखो धारले

प्राचीन मेसिडोनियाका

शक्तिशाली बादशाह

अलेकजेन्डर दी ग्रेटले

सजिलैसित असाध्यै

अनेकन भीमकाय हात्तीलाई

बेसरी पछार्‍यो

कस्सिलो भुजबलको

असीम पराक्रमले

एकसेएक तुफानी

घोडाहरुका वेगलाई

एक निमेषमै पछाडि पारेर

पुरै परास्त गर्‍यो

र शत्रुपक्षमा उभिएका

हजारौंहजार संख्याका

हतियारबन्द सैनिकलाई

मार्‍यो रणक्षेत्रमा

पटापट पटापट

यस सम्बन्धमा अगाडि

इतिहासको पाठले भन्छ–

अन्त्यमा मर्‍यो

एउटा सानो लामखुट्टेको टोकाइले

अलेकजेन्डर दी ग्रेट