कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

देश सम्झेर नाति

पुस्तकवार्ता*

काठमाडौँ — पाँचथर, मिक्लाजुङमा जन्मे–हुर्केका नरेश माङपाहाङको कवि–लेखक चिनारी भिन्न छ— नरेश नातिका रूपमा । पेसाले बेलायती गोर्खा सैनिकका लाहुरे नरेशले आफ्नो जागिर र अनुभूतिका अनेकन क्षणलाई कथाका रूपमा ल्याएका छन्, ‘देश बिर्सेर’ नाममा ।

देश सम्झेर नाति

धेरैका लागि सपनामयीजस्तो लाग्ने सैन्य पेसा र जीवनका सजिलाभन्दा अप्ठ्यारा प्रसंग कथाहरूभित्र छन्, नरेशले आफ्नो माटो/मुलुक छाडेर गएपछिको स्मृति–विस्मृति पनि कथामा उत्रिएका छन् । सैन्य जीवनका अनुभव–अनुभूति भिन्न रूपमा आए पनि यसरी आख्यानका रूपमा भने निकै कम लेखिएको थियो, यस अर्थमा नरेशले सराहनीय काम गरेका छन् ।


कथासंग्रहका टिप्पणीकार महेश पौड्यालका बुझाइमा ‘अर्कै मुलुकमा बसोबास गर्नु भनेको एउटा सभ्यता, संस्कृति, सामाजिक मूल्य र मान्यता र परिवेशबाट टाढिनु र कुनै बिरानो मुलुकको परिवेशलाई स्वीकार गर्नु हो । यस स्थितिमा पहिचान खण्डित हुन्छ मान्छेको, न सजिलै उताको हुन सक्छ, न यताको नै रहिरहन सक्छ । यो हुनु र नहुनुबीच अल्झिएका आप्रवासीहरूको स्वअस्तित्वको खोजी पनि यस कथासंग्रहले गरिरहेको छ ।’ तर, कथा लेखनमा कहीं–कतै नियात्राजस्तो र संस्मरणजस्तो लेखाइ पनि नरेशले मिसाएका छन् ।

‘अफगानिस्तान’ कथामा नरेशले २०११ अप्रिल २१ देखिको अफगानिस्तान कथा बुन्ने हुँदा हुबहु नियात्राजस्तो विवरण समेटेका छन् । यो आफैंमा रोचक छ, तर कथाभन्दा पृथक् ।
रत्न पुस्तक भण्डारले प्रकाशित गरेको संग्रहको नाम शैली, विषय र कथानकका आधारमा ‘देश बिर्सेर’ होइन, ‘देश सम्झेर’ हुनुपर्नेजस्तो लाग्छ । ११४ पृष्ठको पुस्तकको मूल्य १९९ रुपैयाँ छ ।

प्रकाशित : भाद्र १६, २०७५ ०९:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?