ध्यानी बकुल्ला

फागुन १८ गते शनिबार तालको बीचमा रहेको सुकेका रुखको टुप्पामा एउटा अलि अनौठो चरा देखियो । त्यो चरा ‘पर्पल हेरन’ अर्थात नेपालीमा ध्यानी बकुल्ला थियो । चरा संरक्षणकर्मी बासु बिडारी यो बकुल्ला चितवनमा निकै घट्दै गएको बताउँछन् । पछिल्लो गणनामा यो हिउँदे पानी चरा पूर्वी चितवन क्षेत्रमा दुईवटा मात्रै देखा परेको बिडारीले बताए ।लामो खुट्टा र लामो घाँटीले गर्दा यो अन्य बकुल्लाभन्दा फरक देखिन्छ । माछा/भ्यागुता यसको मुख्य आहार हो । त्यसैले यसले पोखरी, तलाउ वा खोला नजिक बसेर बडो ध्यानपूर्वक माछा–भ्यागुताको चाल पहिल्याउने गर्छ ।