कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

विराटनगर रेल

चन्द्रशेखर कार्की

काठमाडौँ — हाम्रा नेतागणले हामी जनतालाई रेल चढाउने भन्दै सपना बाँड्न थालेको धेरै भइसकेको छ  । जनताले रेल चढ्न नपाए पनि कार्गो बोकेर आउने रेल अबको केही महिनामा विराटनगरको लाबाघाटसम्म पुग्छ कि भन्ने आशा पलाएको छ  ।

विराटनगर रेल

माघ अन्तिम साता रेल स्टेसन बनाइरहेको विराटनगर १८, भेडियारी पुग्दा निर्माण कार्य लगभग अन्तिम चरणमा पुगेको देख्न सकिन्थ्यो । तर, कार्गो रेल कहिलेदेखि यो लिकमा कुद्न थाल्छ भन्नेचाहिं यकिन थिएन । ढिलै भए पनि मालबाहक नै भए पनि नेपाली भूमिमा रेल कुद्न सुरु होला कि भन्ने छनक देखिन्थ्यो ।


भारतको बथनाहादेखि विराटनगरको लावाघाटसम्म रेलमार्ग निर्माण गरी परीक्षणसमेत भइसकेको छ । बथनाहादेखि विराटनगर–रंगेली सडकसम्म गत वर्ष नै निर्माण सम्पन्न गरिसक्नुपर्ने आयोजना मुआब्जा र अन्य कारणले गर्दा अल्झिएर बसेको छ ।


भारत सरकारले ४ अर्ब ४८ करोडको लागतमा रेलमार्ग निर्माण सुरु गरेको भए पनि अहिले लागत बढेर ५ अर्ब ९६ करोड ८० लाख पुगेको छ र, यो रकममा अझै १०/१५ प्रतिशत बढ्ने सम्भावना छ ।


भारतको बुधनगरदेखि कटहरीसम्मको १८ दशमलव ६ किलोमिटरमा रेलमार्गमध्ये ५ किलोमिटर भारतमा पर्छ भने नेपालतर्फ बुधनगरदेखि कटहरीसम्म १३ दशमलव ६ किलोमिटर भूभाग पर्छ । गीतमा र भाषणहरूमा पूर्व–पश्चिम रेलको खुबै गफ भए पनि अब व्यवहारमैं केही महिनापछि नेपालीले रेल देख्न पाउने भएका छन्— विराटनगर रेलको चिनारीमा ।



यहाँ लेख्नुहोस्...



प्रकाशित : फाल्गुन २५, २०७५ १२:१२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?