विवशको सुन्दरीचोक
काठमाडौँ — मौलिक ३० वटा निबन्ध समेटिएको ‘सुन्दरीचोक’ मा नेपाली प्रकृति, संस्कृति र जीवनशैली झल्कने खुराक छ । कवि एवं नियात्राकार ज्ञानेन्द्र विवशले सधैंझैं लेखनमा आफ्नोपना भरेका छन् ।
सुन्दरी चोक निबन्ध स्वयं उपत्यकाको सौन्दर्यमय कलाकौशल चिनाउने आँखीझ्याल बनेको छ । स्थानीय विषयहरू जस्तै ः आँखीझ्याल, टुँडीखेल, मजिपाः लाखे, श्वेत क्यानभास, ढुंगेधारा आदि मार्फत उनले नेपाली ललितकला र विशेषतालाई चिनाएका छन् । बराहपोखरी प्रकाशनले प्रकाशित गरेको झन्डै २०० पृष्ठको निबन्ध कृतिमा उनले केही साहित्यिक विषय पनि समेटेका छन् ।
प्रकाशित : फाल्गुन २५, २०७५ १२:१३प्रतिक्रिया