मलाई मन पर्छ - जितु नेपाल, अभिनेता

परिकार

झयाम्म दाल, भात र तरकारी खानुको मज्जा नै बेग्लै । यसबाहेक चिल्लोरहित उसिनेको खानेकुरामा पनि मन जान्छ ।

पेय

समयअनुसार पिउँछु । जाडोमा ह्विस्की, गर्मीमा बियर । तर, झयाप्पै लाग्नेगरी चाहिँ हैन है ! सोसल ड्रंकरसम्म भन्न पाइन्छ ।

पुस्तक

भर्खरै चाहिँ मदनकृष्ण श्रेष्ठ दाइको ‘महको म’ सकाएँ । चर्चित र मदन पुरस्कार प्राप्त किताबहरू प्राय: छुट्दैनन् । यीमध्ये अमर न्यौपानेको ‘सेतो धरती’ बिर्सिन्न । यो उपन्यासमा आफ्नै गाउँघरको कथाव्यथा भेट्टाउँछु ।

लेखक

नारायण वाग्ले र अमर न्यौपाने । उहाँहरूको लेखन सरल र सरस हुन्छ ।

गीत

प्राय: प्रेमसम्बन्धी गीतहरू सुन्न मन पराउँछु । एउटा मात्रै छान्नुपर्ने हो भने चाहिँ फत्तेमानको ‘मर्न बरु गाह्रो हुन्न...’ पहिलो नम्बरमा पर्छ ।

गायक/गायिका

पछिल्लो समय नेपालमा धेरै राम्रो गाउने गायक/गायिकाहरू देख्छु । मन पर्नेहरू थुप्रै छन् । मेल, फिमेल टप फाइभ–फाइभ नाम लिइदिनसक्छु । एक जनाको मात्रै नाम भन्न चाहिँ अप्ठयारो नै पो पर्‍यो लौ ।

फिल्म

आफंैले अभिनय गरेकोमध्ये चाहिँ ‘वडा नम्बर ६’ गज्जब लाग्छ । आफूबाहेकको सूचीमा चाहिँ ‘जात्रा’ पहिलो नम्बरमा आउँछ । यसको अभिनय, पटकथा सबै पक्ष राम्रो लाग्यो ।

अभिनेता/अभिनेत्री

समयलाई बुझेर अभिनय गर्ने कलाकारहरू थुप्रै हुनुहुन्छ । उहाँहरू सबैको कामको ठूलो प्रशंसक हुँ । यसमा त झन् टप टेन नाम नै भन्न सक्छु । एकजनाको मात्रै नाम नलिऊँ है !

ग्याजेट

आइफोन सिक्स चलाइराखेको छु । तर, अफडेटको म्यासेज आको आकै छ । हैरान नै भएँ भन्या । अब चेन्ज गर्ने मनस्थितिमा पो पुग्दै छु ।