मलाई मन पर्छ - जुगल डंगोल, संगीतकार

कान्तिपुर संवाददाता

काठमाडौँ — ठाउँ : पोखराको सौन्दर्यमा लोभिन्छु । यो ठाउँ एकदमै रोमान्टिक, कुल र लभ्ली लाग्छ । पोखरा भनेको पोखरै हो । 

परिकार

Yamaha

नेपाली खाना दाल, भात र तरकारी । नेवारी खाजा सेटको पारखी हुँ ।
पेय
पानीबाहेक मेरो अरू प्रिय पेय पदार्थ छैन । अल्कोहलको बानी कहिल्यै परेन । दिनमा कम्तीमा दुई–तीन लिटर पानी पिउँछु । शरीरलाई निरोगी राख्न प्रशस्त पानी पिउनु आवश्यक छ ।
पुस्तक
साहित्यको पनि पारखी हुँ, तर समय नै मिल्दैन । संगीतसम्बन्धी पुस्तकहरू छुटाउँदिनँ । सानोमा लक्ष्मीप्रसाद देवकोटा र सिद्धिचरण श्रेष्ठका सिर्जनाहरूबाट प्रभावित थिएँ । ‘मुनामदन’ धेरै पटक दोहोर्‍याएको छु ।
लेखक
लक्ष्मीप्रसाद देवकाटा र सिद्धिचरण श्रेष्ठ ।
गीत
प्रेमध्वज प्रधानको स्वर र राजेन्द्र थापाको लेखन रहेको ‘पर लैजाऊ फूलहरू...’ गुनगुनाइरहन मन लाग्छ । यो गीत सुन्दा भिन्दै आनन्द र ऊर्जा मिल्छ ।
गायक/गायिका
पुरानामा प्रेमध्वज दाइ र तारादेवीको स्वर मन पर्छ । नयाँ गायक/गायिकाले पनि निकै राम्रो गरिरहेका छन् । पछिल्लो समय नेपाली संगीत क्षेत्रमा राम्रै प्रयासहरू भइरहेका छन् ।
फिल्म
यादव खरेलको निर्देशन रहेको बालकृष्ण समको ‘प्रेमपिण्ड’ लाई कहिल्यै भुल्दिनँ । यो फिल्म कथावस्तु र प्रस्तुतिका हिसाबल अब्बल लाग्छ मलाई ।
अभिनेता/अभिनेत्री
पुरानामा सरोज खनाल र गौरी मल्ल । नयाँमा चाहिँ दयाहाङ राई र प्रियंका कार्की राम्रा लाग्छन् ।
ग्याजेट
लामो समयदेखि आइफोन चलाउँदै आइरहेको छु । यसैमा बानी पर्‍यो ।

Esewa Pasal

प्रकाशित : माघ १७, २०७४ ०७:५३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

जापानी फिल्म फेस्टिभल हुँदै

कान्तिपुर संवाददाता

काठमाडौँ — जापानी समाज, संस्कृति र जीवनशैली बुझन् चाहनेका लागि खुसीको खबर । जापानी दूतावास, जापान फाउन्डेसन र जापानिज टिचर्स एसोसिएसन नेपालले यही फेब्रुअरीमा पोखरा र काठमाडौंमा जापानी फिल्म फेस्टिभल गर्दै छन् । 

पोखराको चेम्बर अफ कमर्स भवनमा फेब्रुअरी ९ र १० तथा र काठमाडौंकोआर्मी अफिसर्स क्लबमा फेब्रुअरी २३ र २४ तारिखमा फेस्टिभल हुने जापानी दूतावासले जनाएको छ ।

पोखराको फेस्टिभलमा ‘व्हेन द कर्टेन राइज’, ‘माई लभ स्टोरी’, ‘सेटो एन्ड सुमी’ र राउन्ड ट्रिप हार्ट’ जस्ता फिल्म देखाइनेछन् । काठमाडौंमा हुने फेस्टिभलमा ‘बलाड’, ‘द गार्डेन अफ वर्डस्’, ‘अ टेल अफ सामुराई कुकिङ : अ ट्रु लभ स्टोरी’, ‘ब्रेभ स्टोरी’ र ‘नेमशिवा’ प्रदर्शन हुने बताइएको छ । दुवै फेस्टिभलका लागि नि:शुल्क पास उपलब्ध हुने दूतावासले विज्ञप्तिमा जनाएको छ ।

प्रकाशित : माघ १७, २०७४ ०७:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT