मलाई मन पर्छ : सुनील थापा, अभिनेता

कान्तिपुर संवाददाता

काठमाडौँ — ठाउँ : जोमसोम मन पर्छ । यो ठाउँ युनिक लाग्छ र स्वर्गको अनुभूति हुन्छ । 

Yamaha

परिकार
जाउलो फेभरेट हो । त्योसँग गोलभेडाको अचार र दही मन पर्छ । जाडोमा चाहिँ खसीको खुट्टा र किमा मन पर्छ ।

पेय
ड्रिंक्समा भोड्का मन पर्छ ।

पुस्तक
पहिले पुस्तक पढ्थेँ । अहिले समय नभएकाले खासै पढ्दिनँ । तर पहिले पढेकोमा पाउलो कोहेलोको ‘द अलकेमिस्ट’ मन परेको थियो ।

लेखक
जेफ्री आर्चर, पाउलो कोहेलो, डेनियल स्टिललगायतको पुस्तक पढेको छु । त्यसमध्ये जेफ्री आर्चर नै मेरो फेभरेट हुन् ।

गीत
‘मोहनी लाग्ला है...’ गीत मन पर्छ ।

गायक/गायिका
स्वरसम्राट् नारायणगोपाल नै मन पर्छ । गायिकामा चाहिँ आशा भोस्ले ।

फिल्म
तुलसी घिमिरेको ‘दक्षिणा’ एकदमै मन परेको फिल्म हो । यो साँच्चै नै राम्रो लाग्छ ।
अभिनेता/अभिनेत्री
अभिनेत्रीमा जल शाह मन पर्छ । अहिले मेनुका प्रधान पनि राम्रो लाग्छ । पहिलेका अभिनेतामा अर्जुनजंग शाही मन पर्छ । अहिले कर्मा, सौगात मल्ल, दयाहाङ राई, विल्सनविक्रम राईलगायत मन पर्छन् ।

ग्याजेट
ग्याजेटमा त्यति टाइम वेस्ट गर्दिनँ । मोबाइलमा ग्रिन र रेड बटन थिच्छु, त्यति हो ।

प्रकाशित : माघ २८, २०७४ ०९:०१
ADVERTISEMENT
ADVERTISEMENT
प्रतिक्रिया
पठाउनुहोस्

‘मिस नेपाल’ को वीरगन्ज अडिसन

शंकर आचार्य

पर्सा — मिस नेपाल २०१८ को वीरगन्ज अडिसन सम्पन्न भएको छ । द हिडेन ट्रेजर आयोजक रहेको मिस नेपाल प्रतियोगिताको २१ औं संस्करणका लागि वीरगन्जलगायत मुलुकका विभिन्न सहरमा गरिएको अडिसनकै यो निरन्तरता हो । अडिसन वीरगन्जस्थित भिष्वा होटलमा शुक्रबार सम्पन्न भएको थियो । 

मिस नेपाल २०१८ को वीरगन्जमा अडिसन लिँदै पूर्वमिस नेपाल उषा खड्गीसहितको टोली ।तस्बिर : शंकर आचार्य/कान्तिपुर


यस अघि बुधबार, बिहीबार र शुक्रबारसमेत गरी यहाँस्थित हरिखेतान, बीसीसी र बीपीसी कलेजमा मिस नेपाल प्रतियोगिताको एक्टिभेसन, पेजेंट हिस्ट्री र अन्तरक्रियाजस्ता कार्यक्रम गरिएका थिए । अडिसनका निर्णायकमा पूर्वमिस नेपाल उषा खड्गी र आयोजक संस्थाका डाइरेक्टर गृहेन्द्र राजवंशी रहेका थिए ।

अडिसनमा पनि उत्साहजनक सहभागिता रहेको खड्गीले बताइन् । ‘वीरगन्जमा ७ देखि ८ जना मात्रै अडिसमा आउने अनुमान गरेका थियौं,’ उनले भनिन्, ‘त्यसविपरीत डेढ दर्जन सहभागी आए, यस पटक अडिसनमा आएका अधिकांशको उचाइ राम्रो र आत्मविश्वासी पनि पायौं ।’ चैत मसान्तमा हुने मिस नेपाल प्रतियोगितामा सहभागिताका लागि उमेरको हद १८ वर्ष पूरा भई २५ वर्ष ननाघेको, १० जोड दुई उत्तीर्ण, उचाइ कम्तीमा ५ फिट ४ इन्च हुनुपर्नेजस्ता न्यूनतम योग्यता छन् । वीरगन्जमा कम्तीमा ३ देखि ४ जना छनोट हुने सम्भावना रहेको खड्गीले बताइन् । माइती वीरगन्ज भएकी खड्गीले १२ वर्षपछि यहाँ दोस्रो पटक मिस नेपालको अडिसन भएको बताइन् । यस अघि सन् २००५ मा यस्तो अडिसन भएको थियो ।

यस पटकको अडिसनमा जिल्लाका ग्रामीण भेगका मधेसी तथा वीरगन्जका मारवाडी मूलका युवतीहरूसमेत सहभागी थिए । वीरगन्जसहित विराटनगर, चितवन, बिर्तामोड, धरान, धनगडी, बुटवल, पोखरामा यस्तो अडिसन लिइँदै छ । अब बिर्तामोड र धरानको अडिसन मात्र बाँकी रहेको छ । वीरगन्जले सन् १९९४ मा नेपाललाई पहिलो मिस नेपाल रुबी राणा र सन् २००० की मिस नेपाल उषा
खड्गीको रूपमा २ वटा मिस नेपाल दिइसकेको छ । त्यसपछि पनि नेहा पौडेल, रोजिना श्रेष्ठलगायतका मिस नेपालका प्रतिस्पर्धीहरूले प्रतियोगितामा आफ्नो बलियो दाबेदारी दिएका थिए ।

प्रकाशित : माघ २८, २०७४ ०९:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT