सुनिए वासुदेव

काठमाडौ — हालै पाँचौं कविता कृतिको रूपमा 'युरोस्पर्श' प्रकाशित गरेका वासुदेव अधिकारी शुक्रबार एकल सिर्जना वाचन क्रममा थिए। राष्ट्रिय जनसांस्कृतिक महासंघले गर्दै आएको अविरल जनसाहित्य यात्राको दसौं शृंखलामा उनी थिए।


बागबजारस्थित महासंघको हलमा उनले नयाँ पुराना एक दर्जन कविता सुनाए। प्रायः सामाजिक-राजनीतिक चेतनासहितका सिर्जनाहरू सुनाएका उनको व्यक्तित्वबारे सुरुमै डा. बिन्दु शर्माले चर्चा गरेकी थिइन्।
धादिङ सुनौला बजारमा स्कुल पढ्दै गर्दादेखि नै साहित्य सिर्जनामा लागेका वासुदेवले प्रगतिशील साहित्यमा भिन्न परिचय बनाएको शर्माको दाबी थियो। २०४६ मै पहिलो कविता संग्रहको रूपमा 'समयका स्वरहरू' प्रकाशित गरेका यिनी २०४८ मा कर्मचारी आन्दोलन क्रममा जागिरबाट बर्खास्तगीमा समेत परेका थिए।
मुलुकको राजनीतिक सामाजिक आन्दोलन र घटनाहरूलाई नजिकबाट पर्यवेक्षण गर्दै साहित्यमा उतार्ने यिनका
'मनको हरियो मनको गीत', 'आफन्तलाई सम्बोधन', 'गायब सभामुख जस्ता कविता कृतिहरू प्रकाशित छन्।
२०५० अघि पद्यमा मात्रै कलम चलाएका उनले वाचन सुरुआत 'सारथीलाई' कविताबाट गरे। यसपछि उनले 'इँटा भट्टीमा राम लगन' कवितामा श्रमिकहरूको व्यथा पोखे।
युवाहरूलाई सम्बोधन गरिएको 'सत्य', अमेरिकी सेयर मार्केटमा आएको गिरावटलाई नेपाली समाज र राजनीतिसँग जोडेर लेखिएको 'वालस्टि्रट सुन्दरी', राजनीतिक खिचातानीसँगै जोडिएको 'तिम्रो प्रतिभाको आगोले', प|mान्स पुग्दा स्वतन्त्रताको देवीको मूर्ति कुँदेका कलाकार बर्थोल्डीबारे लेखिएको 'बर्थोल्डीसँग गनगन' लगायतका कविता सुनाए। उनका कवितालाई लक्ष्मण गाम्नागे, यशोदा अधिकारी, बैरागी जेठा, शशि लुमुम्बुले पनि सुनाए भने 'चरीको संकेत' नामक गीत इन्दु अंशुले गाएर सुनाएकी थिइन्।
'वासुका कविताहरू जति पढ्दै गयो, त्यत्तिकै पढ्न मनलाग्ने खालका छन्,' वासुदेवका कविताहरूमाथि समालोचक डा. नेत्र एटमले टिप्पणी गरे, 'आमप्रगतिशील लेखनमा जस्तै उनकोमा पनि स्वप्न सिर्जना पाइन्छ। यसबाहेक श्रम र सीपप्रति आस्था र
सम्वृद्धिको सन्दर्भ पनि उनका कविताहरू पाइन्छन्।'



प्रकाशित : पुस १३, २०७१ ०९:१५
ADVERTISEMENT
प्रतिक्रिया
पठाउनुहोस्
ADVERTISEMENT

साथी पाएर खुसी कंगना

काठमाडौ — बलिउडमा कंगना रनावतले 'ग्यांगस्टार' बाट आठ वर्षअघि मात्रै बलिउडमा करिअर सुरुआत गरेकी हुन्।

पहिलो फिल्मबाटै सफलता हात पारेकी कंगनाका त्यसपछि 'वह लम्हे', 'लाइफ इन अ मेट्रो', 'फेसन' जस्ता फिल्मले उचाइ लिए। राष्ट्रिय अवार्ड विजयी कंगना अभिनयका कारण मात्रै नभई बेलाबखत रिलेसनसिपका कारण पनि चर्चामा रहने गर्छिन्। बलिउड छिर्नेबित्तिकै आफूभन्दा २० वर्षले जेठा अभिनेता आदित्य पाञ्चोलीसँगको प्रेमसम्बन्धले उनी चर्चित बनिन्। दुई सन्तानका बाबु भइसकेका आदित्यसँग सुन्दर नायिकाको गठबन्धन अप्रत्यासित देखिएको थियो। त्यसपछि कंगनाको सम्बन्ध फिल्म 'राज २' को सुटिङ बेला अध्ययन सुमनसँग बढ्यो। तर उक्त कुरा अध्ययनका बुबा शेखर सुमनले चाल पाइहाले। र, कंगनालाई बुहारी स्विकार्न नसकिने बताएपछि दुईको सम्बन्ध टुक्रिएको थियो।
फेसनमा स्टाइलिस पूर्वमोडल कंगनालाई त्यसपछि अजय देवगणसँग पनि जोडियो। फिल्म 'वन्स अपअन अ टाइम इन मुम्बई' का बेला कंगना र अजय नजिकिएको रिपोर्टहरू आएलगत्तै अजयकै इच्छामा कंगनालाई फिल्म 'तेज' र 'रास्कल्स' मा लिइएको खबर पनि बाहिरिएको थियो। जुन फिल्म कंगनाको खास छनोटका नभए पनि अजयकै लागि उनले खेलिदिएकी भन्ने आरोपले दुईबीचको सम्बन्धमा शंका मिलेको थियो। धेरै युवकसँग नजिकिने क्रममा कंगनाले लामो समय बेलायतमा बस्ने वैज्ञानिक निकोलस ल्याफर्टीसँग पनि सम्बन्ध राखिन्। यो स्वयं कंगनाले पनि स्वीकार गरेकी थिइन्। फिल्म 'क्विन' बाट पुनः चर्चामा रहेकी कंगना त्यसपछि भने आफू सम्बन्धमा भन्दा करिअरमा ध्यान दिने र केही समय विवाह पनि नगर्ने
अडानमा रहिन्।
तर, त्यो अडान यति बेला हृतिक रोशनका लागि धरमराएको देखिन्छ। पत्नी सुजैन खानसँगको सम्बन्धविच्छेदले एक्ला बनेका हृतिकको हात यति बेला कंगनाले थामेको चर्चा चलेको छ। यति नै बेला कंगनाले पनि आफू कसैसँगको सम्बन्धका कारण खुसी रहेको सार्वजनिक टिप्पणी नै गरेपछि शंकाले लंका जलाएको छ, त्यो सम्बन्ध हृतिकसँगै हो भनेर। 'म यति बेला रिलेसनसिपमा छु र यसमा खुसी पनि छु। तर यस बारेमा म अहिल्यै खुल्न चाहन्नँ,' २७ वषर्ीया नायिकाले ब्वाइप|mेन्डका बारेमा बोल्न नचाहे पनि ऊ आफ्ना लागि विशेष रहेको र उसको साथ पाएर हषिर्त रहेको भने बताइन्। त्यसो त कंगनालाई सलमान खान र आमिर खानसँग जोडेर पनि हेर्ने गरिन्छ। तर यसलाई सम्बन्धभन्दा पनि साथीका रूपमा कंगनाले व्याख्या गर्न चाहिन्।

प्रकाशित : पुस १३, २०७१ ०९:१२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT