अर्थ आवरमा वातावरण साहित्य प्रतियोगिता हुने

कान्तिपुर संवाददाता

काठमाडौं — वातावरणीय संरक्षण अभियानका रुपमा विश्वव्यापी मनाइने अर्थ आवरका दिन नेपालमा वातावरण साहित्य प्रतियोगिता हुने भएको छ । विश्व नेपाली साहित्य महासंघ साउथ यूकेले अर्थ आवरको अवसर पारेर आगामी चैत १३ अर्थात् मार्च २५ तारिखमा वातावरण साहित्य प्रतियोगिता गर्न लागेको हो ।

वातावरणीय संरक्षण अभियानका रुपमा विश्वव्यापी मनाइने अर्थ आवरका दिन नेपालमा वातावरण साहित्य प्रतियोगिता हुने भएको छ ।

विश्व नेपाली साहित्य महासंघ साउथ यूकेले अर्थ आवरको अवसर पारेर आगामी चैत १३ अर्थात् मार्च २५ तारिखमा वातावरण साहित्य प्रतियोगिता गर्न लागेको हो । प्रतियोगितामा नेपालमा रहेका स्रष्टाहरूले मात्र भाग लिन पाउने विश्व नेपाली साहित्य महासंघ साउथ यूकेका अध्यक्ष विजय हितानले जानकारी दिए । उनका अनुसार प्रतियोगितामा उत्कृष्ट ठहरिएका तीनवटा सिर्जनालाई रू ३० हजार बराबरको नगद पुरस्कार र प्रमाण पत्र प्रदान गरिने छ । विजेतालाई आगामी अप्रिलमा काठमाडौंमा एक समारोहबीच पुरस्कृ्त गरिनेछ ।

प्रतियोगितामा कविता, गीत, गजल र मुक्तक समेटिने छन् । आफ्ना सिर्जना वातावरण, पर्यावरण, पृथ्वी, प्रकृति, वनस्पति, वन्यजन्तु, जैविक विविधता, जलवायु परिवर्तन र तिनको महत्व, संरक्षण, प्रतिकूल असरजस्ता विषयमा केन्द्रित गर्न आयोजकले अनुरोध गरेको छ । मार्च २४ भित्र bryanhitan@hotmail.com मा आफ्ना सिर्जना पठाउन अध्यक्ष हितानले आग्रह गरेका छन् । प्रतियोगिताबाट छानिएका सृजनाहरूको पुस्तक प्रकाशन गर्ने योजना समेत रहेको उनले बताए ।

संसारभर मनाइने अर्थ आवरमा बेलुकी साढे ८ देखि साढे ९ बजेसम्म एक घण्टा बिजुली बत्ति निभाउने चलन छ । वातावरण जोगाउ अभियानमा लाग्ने जोसुकैले यसमा भाग लिन सकिन्छ ।

प्रकाशित : फाल्गुन ६, २०७३ १३:५९
प्रतिक्रिया
पठाउनुहोस्
ADVERTISEMENT
ADVERTISEMENT

बालाजुमा ट्रकले स्कुटीलाई ठक्कर दिँदा दुई महिलाको मृत्यु

कान्तिपुर संवाददाता

काठमाडौं — काठमाडौंको बालाजु माछापोखरी नजिक आज (शुक्रबार) मध्यान्ह ट्रकले स्कुटीलाई ठक्कर दिँदा दुई जना महिलाको मृत्यु भएको छ । बालाजुतर्फ जाँदै गरेको बा ७७ प ३२०८ नम्बरको स्कुटरलाई ना ५ च ८४६५ ट्रकले पछाडिबाट ठक्कर दिँदा स्कुटी चालक र त्यसमा सवार महिलाको मृत्यु भएको प्रहरीले जनाएको छ ।

काठमाडौंको बालाजु माछापोखरी नजिक आज (शुक्रबार) मध्यान्ह ट्रकले स्कुटीलाई ठक्कर दिँदा दुई जना महिलाको मृत्यु भएको छ ।

बालाजुतर्फ जाँदै गरेको बा ७७ प ३२०८ नम्बरको स्कुटरलाई ना ५ च ८४६५ ट्रकले पछाडिबाट ठक्कर दिँदा स्कुटी चालक र त्यसमा सवार महिलाको मृत्यु भएको प्रहरीले जनाएको छ । ट्रकको ठक्करबाट स्कुटीमा सवार मकवानपुर मनहरि-५ घर भएकी ३८ वर्षीया रिनाकुमारी राई र धादिङ खाल्टे-६ घर भएकी ३५ वर्षीया सोनिया थापामगरको मृत्यु भएको हो ।

ठक्करबाट गम्भीर घाइते राई र थापामगरलाई उपचारका लागि टिचिङ लैजाँदै गर्दा बाटोमै मृत्यु भएको प्रहरी नायव निरीक्षक (सई) गोकर्ण नेपालले जानकारी दिए ।

ट्रकलाई प्रहरीले नियन्त्रणमा लिएको छ भने चालक फरार भएका छन् ।

प्रकाशित : फाल्गुन ६, २०७३ १३:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT