ढुंगेलको ‘अक्षरका गोलीहरु’

यसअघि गीत र कवितामा चलाइरहेका ढुंगेलले १ सय ५० मुक्तकको संग्रह भावक अभियान नेपालमार्फत प्रकाशनमा ल्याएका हुन् । ‘जमघटमा अन्य विधाभन्दा मुक्तकले श्रोतालाई बढी आकर्षण गरिरहेको देखिन्छ,’ ढुंगेल भन्छन्, ‘यसको खास कारण मुक्तकले दिने समकालीन चेतना नै हो ।’ यसअघि, ‘चोट के हो, व्यथा के हो ?’ र ‘सुवास’ (एल्बम), ‘भाँचिएको मन’ (गीत–गजल संग्रह), ‘आनन्दै आनन्द’ (भजन संग्रह) जस्ता कृति ल्याइसकेका ढुंगेलका धेरैजसो गीत भक्तराज आचार्य, अरुण थापा, दिनेश सुब्बालगायतले गाएका छन् ।