काव्य मुशायरामा असीम र राम

कान्तिपुर संवाददाता

काठमाडौं — काव्य मुशायराको आठौं शृंखलामा कवि असीम सागर र गजलकार राम अविरल विष्ट प्रस्तुत भए । १७ वर्ष भारतमा बिताएका दिनहरूको सम्झना गर्दै असीमले ‘चक्र’ कविता सुनाए ।

त्यसपछि उनले ‘सडकको आवाज’ वाचन गरे । गत वर्ष जोगमाया चापागाईं गजल पुरस्कारबाट सम्मानित असीमका कविता सशक्त रहेको गजलकार ज्ञानुवाकर पौडेलले दाबी गरे । मुटुको समस्याको कारण घरमै रेस्ट गरिरहेका पौडेल असीमका कविता सुन्नकै लागि परिवारको कुरा नमानीकन मुशायरामा आएका थिए बताए ।

शृंखलाको पहिलो चरणमा रामले ‘बाटो काट्यौ, बाटोले आँगन काट्यो’, पैतालामुनि छौँ, उद्धार गर्नु’, ‘यो दुनियाँमाथि उसैको हावी रह्यो’ र ‘मीठो बोली मनमा आएर बस्छ’ जस्ता गजल सुनाएका थिए । 

रोमान्टिक शैलीमा लेखिएका गजलमा पनि सामाजिक सचेतनाको भाव झल्किएको थियो । 

असीमले ‘वर्गचित्र’, ‘संवाद खोला र किनारको ’, ‘कात्रो’, ‘पानी’ र ‘पसिनाको जुलुस’ गरी आधा दर्जन कविता सुनाए । त्यस्तै रामले ‘मर्ने कि बाँच्ने विवाद आउँछ’, ‘सपनाको सुनौलो सहर बनाएर’, ‘अँध्यारो हुन्छ बेलुकी लगिदिनुहोस्’, ‘बुढेसकाललाई अक्सिजन दिएर जानुस्’, ‘हेपिनै पर्ने सानो सधैं’, ‘बिर्सन्छु म आफ्नै हुलिया बिर्सन्छु’, ‘चुलोमा आगो बल्न सक्दैनन्’ गजल सुनाए ।

पछिल्लो समय कविता र गजल लेखनमा भइरहेको विकास देखाउने कोसिस काव्य मुशायराले गरेको संयोजक यात्री प्रकाश पाण्डेले बताए ।

 

प्रकाशित : भाद्र २७, २०७४ ०९:०३
ADVERTISEMENT
प्रतिक्रिया
पठाउनुहोस्
ADVERTISEMENT

दुई भाषामा गौरीका मुक्तक

कान्तिपुर संवाददाता

कास्की — गौरी तमु (गुरुङ) ले नेपाली र गुरुङ भाषामा मुक्तक संग्रह ‘समैं दर्बानी’ ल्याएकी छन् । पोखरामा संगीत नाटय प्रज्ञा प्रतिष्ठानका कुलपति सरुभक्त, मुक्तककारका बुबा टेकबहादुर र आमा छलिमाया गुरुङले पुस्तक लोकार्पण गरे ।

सरुभक्तले गौरीको कृति भिन्न भाषिक समूहको बीचमा समन्वय गराउने ऐतिहासिक प्रयास भएको टिप्पणी गरे । ‘हाम्रोजस्तो बहुभाषिक, बहुसांस्कृतिक मुलुकमा एकअर्काबीच जति समन्वय हुनुपर्ने हो त्यति भएको छैन,’ उनलेभने, ‘यस अर्थमा गौरीको प्रयास इतिहासबद्ध हुनेछ ।’ तुलनात्मकरूपमा नेपाली साहित्यमा गुरुङ समुदायको उपस्थिति न्यून भएको अवस्थामा मुक्तक संग्रहले भाषाको उन्नतिमा उल्लेख्य भूमिका खेल्न सक्ने उनले बताएनेपाल मुक्तक प्रतिष्ठानका महासचिव एवं साहित्यकार रमेश पौडेलले गौरीले छोटो समयमै साहित्यकारको पहिचान बनाउन सफल भएको जनाए ।

कृतिमाथि टिप्पणी गर्दै मुक्तक मञ्च पोखराका सल्लाहकार रुपिन्द्र प्रभावीले मुक्तक संग्रहबाट गौरीले नेपाली साहित्यमा जबर्जस्त उपस्थिति जनाएको बताए । मुक्तककार गुरुङले अबको लेखन परम्पराभन्दा भिन्न ढंगले अघि बढ्नुपर्ने विचारले कृति निकालेको बताइन् । संग्रहमा रहेका १ सय ३५ नेपाली मुक्तकको गुरुङ भाषामा भावानुवाद भने केहरसिंह गुरुङले गरेका हुन् ।

प्रकाशित : भाद्र २७, २०७४ ०९:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT