नेपथ्यको अर्को म्युजिक भिडियो

लाङटाङ भेगतिरको लोकभाकामा आधारित तामाङ सेलो शैलीको उक्त गीतमा वैदेशिक रोजगारीमा गएकाहरूको वेदना समेटिएको छ ।
‘भेडाको ऊनजस्तो’ खोजी गरेकै ठाउँबाट यो भाका टिपेको नेपथ्यले जनाएको छ । यसको म्युजिक भिडियोलाई ‘सिम्पल लिरिकल भिडियो’ का हिसाबले तयार पारिएको छ । ‘हामीले हरेक एल्बममा औसत दस गीत राख्दै आएका छौं,’ नेपथ्य गायक अमृत गुरुङ भन्छन्, ‘तीमध्ये एकाध मात्र लोकप्रिय हुन्छन्, बाँकी ओझेलमा पर्छन् । अहिले यो म्युजिक भिडियो आएकोमा खुसी लागेको छ ।’