२६.१२°C काठमाडौं
‘भुइयाँ’ विमर्श
काँकडभिट्टा — झापाको बर्नेस्थित चियाबगानको सुन्दरताबीच लेखक यज्ञशको कृति ‘भुइयाँ’ माथि बुधबार अन्तरक्रिया गरियो । ‘यो गाउँका हामी सबै भुइयाँ नै हौं,’ कवि/लेखक मुनाराज शेर्मा बोले, ‘हामीजस्तै मान्छेहरूको संघर्षको कथा हो भुइयाँ ।’
यज्ञश, मुनाराज र रिडर्स झापाका दामोदर ढुंगेल सहभागी विमर्शमा कवि नवीन प्राचीनले सहजीकरण गरे । यसको चाँजो मिलाएको थियो, नेपाल लिटरेरी ग्रुप दमकले । ‘औसत जीवनका लागि संघर्ष गर्ने पात्रहरूको कथा हो यो,’ यज्ञशले भने, ‘खासगरी मधेसमा महिला र जमिनको समस्या विकराल छ । भूमि समस्या मधेसका तमाम समस्यामध्ये धेरै गम्भीर हो ।’
ढुंगेलले भूमि व्यवस्थापनको एजेन्डालाई दलहरूले उछाल्ने तर गन्तव्यसम्म नपुर्याउने समस्या विद्यमान रहेको उल्लेख गरे ।
प्रकाशित : कार्तिक १०, २०७४ ०९:२९प्रतिक्रिया
