पन्त र गिरीसहित १५ सम्मानित

कान्तिपुर संवाददाता

हेटौंडा — मातृभूमि साहित्य समाज, मकवानपुरले १५ स्रष्टालाई पुरस्कृत गरेको छ । समाजले कवि धनराज गिरीलाई महालक्ष्मी–मातृभूमि साहित्य पुरस्कार र इतिहासकार प्राज्ञ दिनेशराज पन्तलाई मातृभूमि राष्ट्रिय पुरस्कार प्रदान गरेको छ । दुवै पुरस्कारमा जनही २१ हजार रुपैयाँ र सम्मानपत्र छ ।

त्यस्तै, १२ हजार ५ सय रुपैयाँ रहेको ईश्वरी स्मृति–मातृभूमि पुरस्कार दाहाल यज्ञनिधिलाई प्रदान गरियो । १० हजार रुपैयाँ रहेको नित्य गोविन्द–मातृभूमि संगीत पुरस्कार मकवानपुरका संगीतकर्मी पुरणविक्रम अधिकारीलाई र ५ हजार रुपैयाँ राशिको हातेमालो–मातृभूमि सिर्जनशील सम्मान कवि इन्द्रजित चौलागाँईलाई दिइयो ।

जनही १५ हजार रुपैयाँ रहेको शेखर शर्मा रिजाल स्मृति–मातृभूमि पुरस्कार सरिना पराजुली र सुसन श्रेष्ठलाई दिइयो । १० हजार रुपैयाँ रहेको टंकेश्वरी स्मृति–मातृभूमि दलित विद्यार्थी प्रोत्साहन पुरस्कार जगतजंग लखन्द्री विकलाई दिइयो । तनहुँको महेश संन्यास गुरुकुललाई १० हजार रुपैयाँको क्षेत्रबहादुर स्मृति–मातृभूमि सम्मान तथा भने बाँकेका कवि खगेन्द्र गिरी कोपिलालाई १० हजार रुपैयाँको राजकुमार स्मृति मातृभूमि सम्मान दिइयो । ५ हजार रुपैयाँ रहेको श्याम श्रेष्ठ स्मृति मातृभूमि पुरस्कारबाट पोखराका कवि तीर्थ श्रेष्ठ सम्मानित भए । सञ्चारकर्मी कृष्णराज परियारलाई ५ हजार रुपैयाँ रहेको केशवलाल स्मृति–मातृभूमि पत्रकारिता पुरस्कार र लेखक ज्ञानु अधिकारीलाई त्यति राशिको मायादेवी–मातृभूमि साहित्य पुरस्कार दिइयो ।

५ हजार नै रहेको होमनाथ बलदेवी–मातृभूमि छन्द साहित्य सम्मान राजेश्वरी काफ्लेले पाउँदा संरक्षणकर्मी चित्र गुरुङलाई कनक सिंह वातावरण र मातृभूमि सम्मान दिइयो । लेखक डा. तुलसी भट्टराई, समाज अध्यक्ष राजबाबु पहाडीले पुरस्कार हस्तान्तरण गरे ।

प्रकाशित : कार्तिक २०, २०७४ ०८:११
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नेपाल भाषाका चार स्रष्टा सम्मानित

कान्तिपुर संवाददाता

भक्तपुर — संस्कृति संवद्र्धनका लागि युवा संस्थाले चित्लाङका संस्कृतिविद् शान्तलाल गमाल, फिल्म निर्देशक आर्यम नकर्मी, पत्रकार उदयबहादुर अमात्य र सुरेश किरणलाई सम्मान गरेको छ । वरिष्ठ हास्य कलाकार मदनकृष्ण श्रेष्ठले सम्मानपत्र हस्तान्तरण गरे ।

कार्यक्रममा ओम नरहरि श्रेष्ठ, केशरत्न श्रेष्ठ, पुष्परत्न तुलाधर, तेजरत्न शाक्य, भरत शमशेर लगायतले नेपाल भाषामा हास्यव्यंग्य रचना वाचन गरे । वरिष्ठ कलाकार श्रेष्ठसँगै मध्यपुर थिमि नगरपालिकाका प्रमुख मदनसुन्दर श्रेष्ठ, संस्थाका संरक्षक गणेशराम लाछीले मौलिक भाषा, साहित्य र कलाको संरक्षणमा जोड दिए ।

प्रकाशित : कार्तिक २०, २०७४ ०८:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT