सिर्जनालय सुरु
बनेपा — काभ्रेका स्रष्टाहरूले नियमित रचना वाचन शृंखला ‘सिर्जनालय’ सुरु गरेका छन् । अक्षरमार्ग सिर्जना समूहले थालेको मासिक शृंखलाको पहिलो संस्करणअन्तर्गत शनिबार कवि सूर्यप्रसाद लाकोजू प्रस्तुत भए ।
उनलाई सुन्न २ सय रुपैयाँको टिकट काटेर साहित्य पारखी ज्ञान विकास पुस्तकालयको सभाकक्षमा पुगेका थिए । लाकोजूले देशप्रेम, सामाजिक विसंगति, प्रेम–प्रणयलगायत विषयका आधा दर्जन कविता, डेढ दर्जन मुक्तक, आधा दर्जन गीत र केही हाइकु सुनाउन भ्याए । कार्यक्रममा डा. राजेन्द्र कोजू, शंकर भारती, रवीन्द्र हाशिष शैली लगायतले लाकोजूका सिर्जना प्रस्तुत गरेका थिए ।
प्रकाशित : फाल्गुन २, २०७४ ०९:०८