चार स्रष्टालाई मातृभाषा साहित्य पुरस्कार

सरकार मातहत आदिवासी जनजाति उत्थान राष्ट्रिय प्रतिष्ठानले तीन वर्षपछि उक्त पुरस्कार प्रदान गरेको हो ।

पुरस्कृत हुनेमा मगर भाषाकी कवि हेमा आलेमगर (नवलपरासी), बान्तावा भाषाका कवि निराजन बतास (भोजपुर), चाम्लिङ भाषाका कवि तिलक चाम्लिङ (खोटाङ) र ताजपुरिया भाषाका कवि तेजेन्द्र ताजपुरिया छन् । उनीहरुलाई जनही ३० हजार रुपैयाँ राशिको पुरस्कार प्रदान गरिएको छ । प्रतिष्ठानका उपाध्यक्ष चन्द्रबहादुर गुरुङले उक्त पुरस्कार प्रदान गरेका हुन् ।

समारोहमा युवा भाषाशास्त्री डा. तारामणि राईले ‘मातृभाषा प्रयोग र विस्तार’ विषयक प्रवचन प्रस्तुत गरेका थिए ।