निशाचरी उपन्यासको विमोचन

पुस्तकमा नगरबधुका कथा-व्यथा समेटिएको छ ।

विमोचन समारोहमा कुलपति उप्रेतीले नेपालमा पुस्तक पढ्ने बानीको विकास भएकोले पुस्तकको बिक्री वितरण राम्रो हुँदै गएको चर्चा गर्दै लेखक रचनाकारहरुलाई प्रकाशन गृहहरुले यथोचित सम्मान र साथ दिनुपर्ने बताए । साहित्य तथा रचनाहरुको सिर्जना, प्रकाशन र पाठन गरी तीन श्रृंखला हुने र त्यसमा सबैले आफ्नो भूमिका निर्वाह गर्दा सर्जक र प्रकाशक एवं पाठक सबैलाई यथोचित न्याय हुने बताए ।

कार्यक्रममा कवि एवं आख्यानकार अभय श्रेष्ठले प्रस्तुत उपन्यास आफूले सम्पादन गर्न पाउँदा खुसी लागेको बताए । लेखकको पहिलो प्रयास भए पनि यसमा हाम्रो वर्तमान समाजको ऐनाको रुपमा पुस्तक पाठकहरुको हातमा आएको उल्लेख गरे ।