काठमाडौँ — भक्तपुरका अन्तिम मल्ल राजा थिए, रणजीत मल्ल । उनकै पालामा पृथ्वीनारायण शाहले भक्तपुरमा कब्जा जमाएका थिए । उपत्यकाकै सबैभन्दा शक्तिशाली र वैभवशाली राज्य हातमा लिएपछि नै गोरखाली राजाको उपत्यका विजययात्रा टुंगिएको थियो ।
रणजीतकै भोगाइमार्फत काठमाडौं उपत्यकाको एउटा कालखण्डलाई चित्रण गरेर इतिहासका अध्येता योगेश राजले पुस्तक तयार पारेका छन् । मुलुकको पुनर्लिखित इतिहास भनिएको ‘रणहार’ सार्वजनिक भएको छ । भक्तपुरमा झन्डै आधा शताब्दी शासन गरेका रणजीतले पृथ्वीनारायणको रणनीतिक कुटिलताका कारण सन् १७६९ मा राज्य गुमाउनुपरेको थियो । उक्त पुस्तक त्यही ऐतिहासिक परिघटनामा केन्द्रित रहेको प्रकाशक पब्लिकेसन्स नेपालयले जनाएको छ ।
प्रतिक्रिया