झाका मैथिली कथा
काठमाडौँ — लामो समयदेखि रंगकर्ममा क्रियाशील रमेश रञ्जन झाको योगदान मैथिली भाषा साहित्यमा पनि उत्तिकै छ । झन्डै डेढ दशकदेखि लेख्दै आएका कथाहरूलाई उनले संग्रहको रूप दिएका छन् ।
मैथिली नाटक, कविता र उपन्यासमा कमल चलाइसकेका उनको पहिलो कथाकृति ‘फुलवा हरण’ परराष्ट्रमन्त्री प्रदीप ज्ञवालीले लोकार्पण गरे ।
ज्ञवालीले हरेक मातृभाषाका सिर्जना राष्ट्रको सम्पत्ति रहेको बताए । प्रा.डा. रामावतार यादवले मैथिली साहित्य सौन्दर्यको चर्चा गरे । पूर्वमन्त्री रामचन्द्र झा र प्रा.डा. वीरेन्द्र पाण्डेले मैथिली साहित्यमा रमेशको योगदानबारे बोले ।
प्रकाशित : असार ७, २०७५ ०८:४०