प्रा. पोखरेललाई यात्री वाङ्मय
काठमाडौँ — पूर्णप्रकाश नेपाल यात्री अध्ययन तथा अनुसन्धान केन्द्रले यसपालिको यात्री वाङ्मय पुरस्कार वरिष्ठ साहित्यकार बालकृष्ण पोखरेललाई प्रदान गर्ने भएको छ ।
नेपाली भाषासाहित्यको विकास र विस्तारमा अतुलनीय योगदानका लागि साहित्यकार पोखरेललाई पुरस्कृत गर्न लागिएको केन्द्रका अध्यक्ष डा. शैलेन्दुप्रकाश नेपालले बताए । ५१ हजार रुपैयाँ रहेको उक्त पुरस्कार यसअघि राष्ट्रकवि माधवप्रसाद घिमिरे र वाङ्मय शताब्दी पुरुष सत्यमोहन जोशीलाई प्रदान गरिसकिएको छ ।
यसैगरी, केन्द्रले निर्मला पौडेललाई यात्री विद्या पदकद्वारा सम्मानित गर्ने भएको छ । यात्रीबारे खोज–अनुसन्धान गर्ने शोधार्थीलाई दिइने उक्त पदक यसअघि लक्ष्मी सुवेदीलाई प्रदान गरिएको थियो । सबै सम्मान साउन पहिलो साता राजधानीमा हस्तान्तरण गरिने डा. नेपालले जानकारी दिए ।
प्रकाशित : असार ३०, २०७५ ०८:२२