संजिताका गजल
काठमाडौँ — संजिता देउजा पहिलो गजल एल्बमसहित आएकी छन् । ‘मेरो गजल तिम्रो लागि’ राजधानीमा वरिष्ठ गीतकार डा. कृष्णहरि बराल, उन्नति बोहरा शीला, गजलकार ज्ञानुवाकर पौडेल र मेरिना स्मृतिले सार्वजनिक गरे ।
बरालले एल्बम उत्कृष्ट संकलनका रूपमा आएको दाबी गरे । ‘संजिताले गजल लेख्न थालेको समय महिला गजलकार निकै कम थिए,’ पौडेलले भने, ‘लामो समयपछि एल्बमसहित स्वागत गर्न पाउँदा खुसी छु ।’
एल्बममा आठ गजल छन् : ‘तिम्रो लागि...’, ‘छ अझै...’, ‘जवाफ यौटा...’, ‘दैवको हातमा...’, ‘कुनै बेला म...’, ‘एक मानिस...’ लगायत । सत्य–स्वरूपले संगीत गरेका गजलमा सत्यराज, स्वरुपराज र दीपक थापाको स्वर सुन्न सकिन्छ ।
प्रतिक्रिया