वीरगन्जमा नेपाल-भारत साहित्य महोत्सव 

भूषण यादव

वीरगन्ज — नेपाल-भारत साहित्य महोत्सव आइतबारदेखि आर्थिक नगरी वीरगन्जमा सुरु भएको छ । दुई दिने महोत्सवको प्रदेश २ का मुख्यमन्त्री लालबाबु राउतले गमलामा वृक्षारोपण गरी उद्घाटन गरेका थिए । 

Yamaha

मुख्यमन्त्री राउतले साहित्यक महोत्सवले दुई देशको सम्बन्ध झन प्रगाढ बनाउने विश्वास लिएको बताए । ‘साहित्यको कुनै सीमा हुँदैन,’ मुख्यमन्त्रीले भने, ‘साहित्यबिना जीवन उधुरो छ । साहित्यमार्फत समाजलाई नयाँ दिशातर्फ मोड्न सकिन्छ ।’

नेपालमै धेरै विद्वान साहित्यकार जन्मिए पनि भाषाको कारण अन्तर्राष्ट्रिय ख्याति नपाएको मुख्यमन्त्रीले धारणा राखेका थिए । उनले अन्तर्राष्ट्रिय जगतमा नेपाली साहित्यलाई विस्तार गर्नुपर्नेमा जोड दिए । साहित्य गम्भीर र चिन्तनको विषय भएको बताउँदै मोबाइल फोनमा व्यस्त भएको आजको पुस्ता साहित्यकार बन्नेमा चिन्तासमेत प्रकट गरे । महोत्सवले दुवै देशको भाषा र संस्कृति बुझ्न सजिलो हुने उनले बताए ।

भारत हरिद्धारका सहित्यकार योगेन्द्र शर्माले महोत्सवले साहित्य, संस्कृत्ति, धर्म, समाज, राष्ट्रियता जोड्ने काम गरेको उल्लेख गरे । नेपालका साहित्यकार डा. ध्रुवचन्द्र गौतम र भारतीय साहित्यकार शर्मालाई महोत्सवमा विशेष सम्मान गरिएको थियो । शर्माले आगामी डिसेम्बर महिनामा हरिद्धारमा आयोजना हुने साहित्य महोत्सवमा नेपाली साहित्यकारलाई निमन्त्रणासमेत दिए ।

कार्यक्रमका संयोजक गणेश लाठले वीरगन्ज आन्दोलन र बन्दको सहर मात्र नभई यहाँ साहित्यक महोत्वसपनि हुनसक्छ भनि देखाउनलाई कार्यक्रम आयोजना गरिएको बताए ।

महोत्सवमा नेपाल र भारतका २ सय ५० साहित्यकार सहभागी भएको आयोजकले जनाएका छन् ।

Esewa Pasal

प्रकाशित : श्रावण २७, २०७५ १८:०८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

१६ वर्षदेखि यूएई जेलमा रहेका अमरलाई छुटाउन प्रधानमन्त्रीको ध्यानाकर्षण 

कान्तिपुर संवाददाता

काठमाडौँ — १६ वर्षदेखि संयुक्त अरब इमिरेट्स (यूएई) जेलमा रहेका अमर बमलाई छुटाउन प्रधानमन्त्री केपी ओलीलाई परिवारले अनुरोध गरेका छन् । अमरका पिता कर्णबहादुरले आफ्नो छोरा निर्दोष रहेको भन्दै यथाशीघ्र रिहाईको लागि पहल थालिदिन अनुरोध गरेका हुन् ।

मृत्युदण्डको सजाय भएका धारी–५, दार्चुलाका बम सन् २००३ देखि दुबईको अबिर जेलमा छन् । ‘छोरा जेलमा रहेको थाहा पाएदेखि सबै सरकारलाई जानकारी गराएँ । सबैले हुन्छ भनिरहन्छन् । तर कसैले ल्याइदिएनन्,’ कर्णले आइतबार बालुवाटारमा भेट गर्दै प्रधानमन्त्री ओलीसमक्ष भने,‘तपाईंलाई पनि सम्झाउन यो झरीमा दार्चुलाबाट आएको हुँ ।’

दार्चुलका सांसद गणेश ठगुन्नाको सहजीकरणमा प्रधानमन्त्रीलाई भेट्न पाएका कर्णबहादुरले छोरोलाई देश फर्काउन नपाउँदा निकै पीडामा रहेको बताए ।

प्रधानमन्त्री ओलीले परिणाममुखी काम गर्नको लागि आफूले तत्काल पहल सुरु गर्ने आश्वासन दिए । बमलाई छुटाउन यसअघिका सरकार प्रमुखबाट पनि पहल भएको थियो ।

गतवर्ष यूएई भ्रमणमा पुगेकी राष्ट्रपति विद्यादेवी भण्डारीले यूएईका उपराष्ट्रपति तथा प्रधानमन्त्री शेख मोहमद विन रसिद अल मोक्तुमसमक्ष बमलाई माफी दिन अनुरोध गरेकी थिइन् । त्यतिखेर प्रधानमन्त्री मोक्तुमले पीडित परिवारलाई माफी दिनको लागि सरकारको तर्फबाट अनुरोध गर्ने बताएका थिए ।

यूएईको कानुनअनुसार अदालतले फैसला गरिसकेको मुद्दामा पीडित परिवारले माफी दिन सकिन्छ । बमलाई माफी दिन सरकारले यूएई सरकारसमक्ष पहल जारी राखेपनि पीडित परिवारसमक्ष अनुरोध गरेको छैन । भारतीय व्यापारी शरद सेठ्ठीको हत्यामा संलग्न भन्दै यूएईको अदालतले दुई भारतीयसहित बमलाई मृत्युदण्डको फैसला सुनाएको थियो । तर, बमले चलाएको गाडीमा गएर सेठ्ठीलाई गोली हान्ने भारतीय नागरिकद्वय मनोज मुदाना र करनसिंह राजपुतले अमर निर्दोष रहेको लिखित बयान दिएका छन् । अमर हत्या योजनाबारे बेखबर रहेको र गाडीमात्र चलाएको भनेर उनलाई माफी दिन उनीहरूले औंठाछाप गरेर निवेदन पनि दिएका छन् । तैपनि, अमर छुटेका छैनन् ।

परराष्ट्र मन्त्रालयले कानुनी प्रतिरक्षाभन्दा राष्ट्रपतिको तहबाट माफी दिन अनुरोध गरे छुट्ने विकल्प अघि सारेको थियो । नेपाल सरकारले बमलाई माफी दिन यूएई सरकारलाई पत्र पठाइसकेको छ । यूएईले त्यसको जवाफ दिएको छैन । तत्कालीन प्रधानमन्त्री पुष्पकमल दाहालले पनि यूएईका प्रधानमन्त्रीलाई भेटेर अमरलाई माफी दिन अनुरोध गरेका थिए ।

अमरलाई मृत्युदण्डको फैसला सुनाइएको यूएईस्थित नेपाली दूतावासले ४ वर्षपछि मात्रै थाहा पाएको थियो । दूतावास र परराष्ट्रले सूचना पाएपछि पनि उनको प्रतिरक्षा गर्न वकिल नियुक्त गरिएको छैन ।

प्रकाशित : श्रावण २७, २०७५ १७:४५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT