साहित्यमा मगरपनको खोजी 

कान्तिपुर संवाददाता

काठमाडौँ — मगर साहित्यमा आफ्नै समाज, विषयबस्तु र संस्कृतिको प्रभाव के कस्तो छ ? हालै राजधानीमा बहस चल्यो । जीतबहादुर सिञ्जाली मगर साहित्य प्रतिष्ठानले गरेको कार्यक्रममा साहित्यमा मगरपन खोज्दै मगर भाषामा प्रकाशित कृतिहरुको समेत विश्लेषण गरियो । 

छलफलको विषय थियो, ‘मगर साहित्यमा मगर पन’ । भाषाविद अमृत योञ्जन तामाङले ‘नेपालमा भाषिक मानवअधिकारको स्थिती’ कार्यपत्र प्रस्तुत गर्दै मातृभाषाहरु समस्यामा पर्दै गएको जनाए । कार्यपत्रमाथि लोकबहादुर थापा मगरले टिप्पणी गरे । त्यस्तै सञ्जोग लाफा मगरले ‘मगर साहित्यको इतिहास’ कार्यपत्रमा प्रस्तुत गर्दै अहिलेसम्म मगर साहित्य कृति १ सय ७३ वटा प्रकाशन भइसकेको जनाए ।

Yamaha


कार्यपत्रमाथि विष्णु सिंजाली मगरले टिप्पणी गरे । समाज कल्याण परिषदको सहकार्य रहेको कार्यक्रममा महिला तथा बालबालिका मन्त्री थममाया थापा मगर र नेपाल मगर संघ भाषिक उपाध्यक्ष दलबहादुर विरकट्टा मगरले पनि मगर भाषा साहित्यको प्रवर्द्धन र महत्वबारे प्रकाश पारे ।

Esewa Pasal

प्रकाशित : श्रावण २७, २०७५ २१:४७
ADVERTISEMENT
प्रतिक्रिया
पठाउनुहोस्

कुनै काँडाले कोर्दैन प्रेस स्वतन्त्रता : सञ्चारमन्त्री

कान्तिपुर संवाददाता

काठमाडौँ — सञ्चार तथा सूचना प्रविधिमन्त्री गोकुल बाँस्कोटाले भदौ १ देखि लागू हुने फौजदारी संहिता र देवानी संहिताले प्रेस स्वतन्त्रतालाई कुण्ठित नबनाउने दाबी गरेका छन् ।

गतवर्ष जारी उक्त संहिता आउँदो भदौ १ देखि लागू हुने र त्यसले प्रेस स्वतन्त्रता कुण्ठित तुल्याउने भन्दै चौतर्फी विरोध भएपछि मन्त्री बाँस्कोटाले उक्त अभिव्यक्ति दिएका हुन् ।

‘सबै कानुन जननिर्वाचित संसद्बाटै पारित हुने हो, पारित हुने धेरै चरण छन्,’ नेपाल आदिवासी जनजाति पत्रकार महासंघ (फोनिज) को १९ औं वार्षिकोत्सवको आइतबार उद्घाटन गर्दै बाँस्कोटाले भने, ‘नेकपा हिटलरले बनाएको पार्टी होइन, पुष्पलाल र मदन भण्डारीले निर्माण गरेका हुन् । जनताको स्वतन्त्रताका लागि लामो राजनीतिक संघर्ष गरेर स्थापित पार्टी हो ।’

‘सरकारले लोकतन्त्रको रक्षा गर्ने हो,’ आरोप र शंकाको ओखती नहुने उल्लेख गर्दै मन्त्री बाँस्कोटाले भने, ‘कुनै काँडाले कोर्दैन प्रेस स्वतन्त्रता, ढुक्क हुनोस् । हाम्रो नेतृत्वमा १४ वर्ष जेल बसेका प्रधानमन्त्री र १४ वर्ष वनबास बसेका पार्टी अध्यक्ष हुनुहुन्छ ।’ कानुनले कडाइका साथ अनलाइन र सामाजिक सञ्जालमा छाडापन रोक्ने उनले उल्लेख गरे । उनले अनलाइनलाई मूलधारको सञ्चारमाध्यमको अंग बनाएर लगिने पनि बताए ।

प्रकाशित : श्रावण २७, २०७५ २१:२२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT