विश्व नेपाली साहित्य सम्मेलन

बेलायतको क्यान्टबरी युनिभर्सिटीमा आयोजित सम्मेलनको घोषणापत्रमा नेपाली साहित्यलाई अन्य भाषामा अनुवाद गर्ने कामलाई निरन्तरता दिने प्रतिबद्धता पनि जनाइएको छ ।

विश्व नेपाली साहित्य महासंघ र नेपाली साहित्य विकास परिषदको सहआयोजन रहेको सम्मेलनमा नेपालबाट कवि तुलसी दिवस, लेखक खगेन्द्र संग्रौला, प्रा. नोबलकिशोर राई तथा समालोचक प्रा. गोविन्दराज भट्टराई विशेष अतिथिका रूपमा सहभागी थिए ।

सम्मेलनमा जर्मन प्राध्यापक बी सेन्लरले ‘पल्पसा क्याफे उपन्यास र बुद्धत्व’ शीर्षक कार्यपत्र पेस गर्दै यो उपन्यासमा पात्र–प्रवृत्तिको विविधता रहेको बताएका थिए ।