बहुभाषी कवि गोष्ठी

कान्तिपुर संवाददाता

सुनसरी — बहुभाषिक मुलुकमा सबै जातजातिको भाषा साहित्यको विकास गर्दै संरक्षण गर्ने उद्देश्यले धरान प्रज्ञा प्रतिष्ठानद्वारा आयोजित बहुभाषिक कविता गोष्ठीमा पाँच जना पुरस्कृत भएका छन् ।

सहभागीहरूले आआफ्ना मातृभाषापछि नेपाली भाषामा वाचन गरेका बेला भाव, शिल्प र प्रस्तुतिलाई आधार मानेर हेनसेन याख्खा, घनेन्द्र लिम्बू, चोङहाङ राई, सुसा कदम र पुनम शेर्पा उत्कृष्ट भएका थिए । उनीहरूलाई जनही पाँच हजार रुपैयाँ प्रदान गरियो ।


प्रतिष्ठानका सदस्यसचिव गोपाल देवानका अनुसार, धरानमा रहेका भाषा, संस्कृतिलाई जीवन्तता राख्न धरान उपमानगरपालिकाले गठन गरेको धरान प्रज्ञा प्रतिष्ठानले कविता गोष्ठी गरेको हो । गोष्ठीमा विभिन्न जातीय समुदायका १९ कविले कविता वाचन गरेका थिए ।

Yamaha


धरानमा ८१ जाति बस्ने र उनीहरूका अलगअलग मातृभाषा भए पनि सबैको सहभागिता नभएका कारण कविता गोष्ठीमा सात भाषाका सिर्जना मात्र वाचन गरिएको प्रतिष्ठानका अध्यक्ष अम्बिका सम्बाहाम्फेले बताए ।

Esewa Pasal

प्रकाशित : भाद्र २७, २०७५ ०८:३९
प्रतिक्रिया
पठाउनुहोस्

महर्जनको एकल

कान्तिपुर संवाददाता

काठमाडौँ — कवि, चित्रकार एवं गायक सुरेन्द्र महर्जन ‘अमर’ एकल सृजना साँझमा उत्रिएका छन् । ओएस नेपालले ललितपुर सातदोबाटोस्थित सुमेरु मार्टमा उनलाई एकल साँझमा प्रस्तुत गरेको हो ।

कार्यक्रममा उनका एक दर्जन गीतहरू विभिन्न गायक/गायिकाले प्रस्तुत गरे । साथै महर्जन रचित गीतहरूको म्युजिक भिडियोहरू पनि देखाइए ।


महर्जनले कोरेका चित्रहरूसमेत प्रदर्शनी गरिएको कार्यक्रममा महर्जनकै कविता, हाइकु, तान्का, मुक्तक पनि सुनाइएको थियो । एन शाक्य, संगीता रायमाझी, सोनी राजभण्डारी, राजु श्रेष्ठ, मुना रोक्का, बबी दाहाल लगायत एक दर्जनभन्दा बढी गायक/गायिकाले महर्जनका सृजना सुनाएका हुन् ।


अर्का स्रष्टा पुष्पराज बुढाथोकी ‘साउतेली’ महर्जनको व्यक्तित्व र कृतित्वबारे प्रकाश पारे । ओएस नेपालका विवेक कार्कीले महर्जनका अहिलेसम्म ‘अमर’, ‘मतिनाया खा’ (नेवारी गीति एल्बम), ‘अद्भुत’ (उपन्यास) लगायतका कृति आफूहरूले प्रकाशित गरेको बताए ।

प्रकाशित : भाद्र २७, २०७५ ०८:३८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT