महर्जनको एकल

कान्तिपुर संवाददाता

काठमाडौँ — कवि, चित्रकार एवं गायक सुरेन्द्र महर्जन ‘अमर’ एकल सृजना साँझमा उत्रिएका छन् । ओएस नेपालले ललितपुर सातदोबाटोस्थित सुमेरु मार्टमा उनलाई एकल साँझमा प्रस्तुत गरेको हो ।

कार्यक्रममा उनका एक दर्जन गीतहरू विभिन्न गायक/गायिकाले प्रस्तुत गरे । साथै महर्जन रचित गीतहरूको म्युजिक भिडियोहरू पनि देखाइए ।


महर्जनले कोरेका चित्रहरूसमेत प्रदर्शनी गरिएको कार्यक्रममा महर्जनकै कविता, हाइकु, तान्का, मुक्तक पनि सुनाइएको थियो । एन शाक्य, संगीता रायमाझी, सोनी राजभण्डारी, राजु श्रेष्ठ, मुना रोक्का, बबी दाहाल लगायत एक दर्जनभन्दा बढी गायक/गायिकाले महर्जनका सृजना सुनाएका हुन् ।

Yamaha


अर्का स्रष्टा पुष्पराज बुढाथोकी ‘साउतेली’ महर्जनको व्यक्तित्व र कृतित्वबारे प्रकाश पारे । ओएस नेपालका विवेक कार्कीले महर्जनका अहिलेसम्म ‘अमर’, ‘मतिनाया खा’ (नेवारी गीति एल्बम), ‘अद्भुत’ (उपन्यास) लगायतका कृति आफूहरूले प्रकाशित गरेको बताए ।

प्रकाशित : भाद्र २७, २०७५ ०८:३८
ADVERTISEMENT
ADVERTISEMENT
प्रतिक्रिया
पठाउनुहोस्

हरिभक्तको सम्झना

कान्तिपुर संवाददाता

काठमाडौँ — कवि/गीतकार हरिभक्त कटुवालको ३८ औँ स्मृति दिवस पारेर चितवनमा स्रष्टा र साहित्यप्रेमीहरूले उनको सम्झना गरेका छन् । हरिभक्तका कविताहरूको वाचनका साथै पुरु लम्साल निर्देशित वृत्तचित्र ‘अनि हरिभक्त फर्किएनन्’ को प्रदर्शन पनि गरिएको छ ।

कविडाँडा साहित्य समाजद्वारा आयोजित समारोहमा कवि/निबन्धकार भूपिनले हरिभक्त गीत र कविता दुवैमा सशक्त रूपमा कलम चलाउन सक्ने खुबी भएका साहित्यकार भएको बताए ।


वरिष्ठ निबन्धकार रामबाबु घिमिरेले हरिभक्तलाई आफूले नयाँ पुस्तालाई प्रेरण दिने कविका रूपमा पाएको सुनाए । ‘उहाँले हामीलाई अभिनय पनि सिकाउनुभयो,’ २०३२ सालमा ‘बसाइँ’ नाटक मञ्चनको सन्दर्भ जोडदै उनले भने, ‘हरिभक्त बहुआयामिक व्यक्ति हुनुहुन्थ्यो ।’


समारोहमा सरिता तिवारी, सुरेन्द्र अस्तफल, बालकृष्ण थपलिया, सरला रेग्मी, चेतराज रेग्मी, विजय विश्वकर्मा र रामकृष्ण अनायासले हरिभक्तका विभिन्न कविता वाचन गरेका थिए ।


१९९२ सालमा भारतको असममा जन्मिएका हरिभक्तको अल्सर र क्षयरोगका कारण ४५ वर्षको अल्पायुमै २०३७ साल भदौ २५ मा असमको डिब्रुगढ अस्पतालमा निधन भएको थियो । उनले आफ्नो जीवनको ऊर्जाशील समय नेपाली साहित्य लेखनमा खर्चिएका थिए ।

प्रकाशित : भाद्र २७, २०७५ ०८:३७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT