उपन्यास लिएर जोशी

लामो समयसम्म राज्य र शासक समूहबाट मानिसै नठानिएका थारू जातिको कथा ल्याएर जोशीले नेपाली साहित्यमा योगदान गरेको उल्लेख गर्दै सरुभक्तले भने, “सखी’ ले सीमान्तीकृत थारू जातिको जीवनको अभिलेखीकरण गरेको छ ।’

बुद्धिसागरले ‘सखी’ ले सुदूर पश्चिमको थारू जातिको सिंगो कथा उतारेको सुनाए । उपन्यासमा कम्लरी प्रथाको सूक्ष्म चित्रण गरिएको टिप्पणी गर्दै थापाले थपिन्, ‘यसमा नेपाली साहित्यमा अहिलेसम्म आइरहेको भन्दा फरक परिवेशको कथा प्रस्तुत गरिएको छ ।’ लोहनीले उपन्यासको भाषाशैलीको तारिफ गरे । ‘यो उपन्यास भाषिक दृष्टिकोणले अब्बल कृति हो,’ उनले भने ।

उपन्यासकार जोशीले ‘सखी’ मा आफूले थारू समाजको वास्तविक चित्रण गर्ने प्रयास गरेको बताए । ‘ऐना’ कथासंग्रहका लागि मदन पुरस्कार प्राप्त गरेका जोशीको यो तेस्रो कृति बुक हिल पब्लिकेसनले प्रकाशन गरेको हो ।