अमरका दुई कृति
काठमाडौँ — कवि तथा गीतकार अमर बान्तु एकैसाथ ‘परिभाषाका राँटाहरू’ नामक गीत तथा कविता संग्रह र ‘अमर भावना’ गीति एल्बम लिएर आएका छन् ।
‘परिभाषाका राँटाहरू’ भित्र ‘आमाको महिमा’, ‘हाम्रो वैभव’, ‘पचास वर्ष पुग्दाको अनुभव’, ‘अपुरो सपना’, ‘भगेँरीको विचल्ली’, ‘अठोट’ लगायत चार दर्जन सिर्जना छन् ।
पुस्तकको भूमिकामा राष्ट्रकवि घिमिरेले बान्तुलाई ‘समाजका विकृति, विसंगति, विभेद र उत्पीडनविरुद्ध उभिएर राष्ट्र र राष्ट्रियताको पक्षमा वकालत गर्ने कवि’ का रूपमा चित्रण गरेका छन् ।
काइँलाले बान्तुका सिर्जनामा ‘किराती सभ्यता र जीवनदर्शन’ मुखरित भएको दाबी गरेका छन् ।
एल्बम ‘अमर भावना’ मा भने आधुनिक गीत समेटिएका छन् ।
प्रतिक्रिया
