कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १६१

मधुवनले सम्झ्यो चाडपर्व

कान्तिपुर संवाददाता

काठमाडौँ — तिहार तथा छठ पर्वको अवसरमा मधुवन साहित्यिक प्रतिष्ठानले शनिबार राजधानीमा शुभकामना आदानप्रदानसहित कविता वाचन कार्यक्रम गर्‍यो  ।

मधुवनले सम्झ्यो चाडपर्व

एक दशकअघि रेडियो नेपालको साहित्यिक कार्यक्रम ‘मधुवन’ बाट प्रभावित बनेर स्थापना गरिएको युवा स्रष्टाहरूको यो संस्थाले चाडपर्वलाई साहित्यिक बनाउने ध्येयले कार्यक्रम गरेको हो । कार्यक्रममा कवि उषा शेरचन, मञ्जु काँचुली, मोमिला जोशी, विप्लव ढकाल, शीतल कादम्बिनी, मणि लोहनी, ठाकुर बेलबासे, फूलमान वल, चन्द्रवीर तुम्बापो, रामगोपाल आशुतोष, भगवती बस्नेत, महेश क्षितिज, देवकी अभिलाषी, अमृता स्मृति, निर्भीकजंग रायमाझी लगायतले कविता सुनाए ।

नेपाल प्रज्ञा प्रतष्ठिानका पूर्व उपकुलपति विष्णुविभु घिमिरेले चाडपर्वको सन्दर्भमा अग्रजदेखि अनुज पुस्तासम्मको स्रष्टा एकै थलोमा भेला हुनु निकै सकारात्मक रहेको दाबी गरे । सञ्चारकर्मी एवं कवि नवराज लम्सालले आफ्नो रेडियो कार्यक्रमबाट प्रभावित भएर संस्थागत साहित्यिक अभियान हुनुले गर्वित तुल्याएको दाबी गरे ।

कवि जीवन खत्रीको पहलमा स्थापना भएको प्रतिष्ठानले विभिन्न साहित्यिक गतिविधिका साथ एक दर्जनभन्दा बढी साहित्यिक कृति प्रकाशित गरिसकेको छ । ‘अब फेरि उत्तिकै जोसका साथ सक्रिय हुँदै छौं,’ अध्यक्ष खत्रीले भने, ‘यस पटक तिहार र छठलाई स्रष्टासित जोड्न चाहेका हौं ।’

प्रकाशित : कार्तिक १८, २०७५ ०९:००
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?